影片
更多
2013-09-06
107 瀏覽
記得年初喺openrice度睇過編報導，介紹「丸亀製麵」獨有o既流心天婦羅蛋，其實一路都想去試，無奈小肥極少過海，所以一拖再拖，結果要等到表妹約去紅館睇天生歌姬A-Lin o既演唱會，小肥表哥先終於有籍口去一嚐此道「炸蛋」 ！唔過九龍真係唔知道原來iSQUARE咁方便，同地鐡站可稱得上為連體嬰；商場又有升降機由地鐡嗰層上餐廳，真係慳返唔少時間同腳骨力 ！一早知道黎「丸亀製麵」要排隊，小肥好醒目地早幾日就打定電話問服務生咩時間幫襯唔洗排咁耐 。哥仔好爽快地答我六點左右啦，所以當日我地兩老表六點半前到。一邊排隊，一邊諗食乜，時間好快就過；哈哈，其實都係等咗大概五分鐘！同師傅仔落完單，攞完碗麵，自選不同天婦羅菜式，付款，需時都係差不多五分鐘。可能因為早，搵位都唔係一個問題，小肥只係嫌座位以及餐桌太細，活動空間太少，肥肥家族絕對唔可以一齊黎囉 。麵檔無論係煮食counter，天婦羅部，或者係座位都打理得頗為乾淨企理。以快餐店黎講，收銀哥哥，煮麵師傅們，及清潔嬸嬸，所有員工o既態度都算友善，咁忙都唔會話黑面，而且仲有心機講解落單流程，XO仔覺得好合格架啦 ！至於食物方面： 醬油蘿蔔茸
唔過九龍真係唔知道原來iSQUARE咁方便，同地鐡站可稱得上為連體嬰；商場又有升降機由地鐡嗰層上餐廳，真係慳返唔少時間同腳骨力 ！一早知道黎「丸亀製麵」要排隊，小肥好醒目地早幾日就打定電話問服務生咩時間幫襯唔洗排咁耐 。哥仔好爽快地答我六點左右啦，所以當日我地兩老表六點半前到。一邊排隊，一邊諗食乜，時間好快就過；哈哈，其實都係等咗大概五分鐘！同師傅仔落完單，攞完碗麵，自選不同天婦羅菜式，付款，需時都係差不多五分鐘。可能因為早，搵位都唔係一個問題，小肥只係嫌座位以及餐桌太細，活動空間太少，肥肥家族絕對唔可以一齊黎囉 。
麵檔無論係煮食counter，天婦羅部，或者係座位都打理得頗為乾淨企理。以快餐店黎講，收銀哥哥，煮麵師傅們，及清潔嬸嬸，所有員工o既態度都算友善，咁忙都唔會話黑面，而且仲有心機講解落單流程，XO仔覺得好合格架啦 ！
至於食物方面：
醬油蘿蔔茸拌烏冬（$32/中碗）：見網上面咁多人推介，小肥當然係唔會執輸，要叫返碗醬油蘿蔔茸拌烏冬黎食啦！第一次食自助式烏冬，感覺好新穎 ！師傅熟手地喺counter度烚熟一份烏冬，放入碗中，加上蘿蔔茸同青檸後，再轉交客人自選醬油、蔥花、天婦羅碎、同薑茸。網民真係冇介紹錯，烏冬煙韌彈牙，以「丸亀製麵」秘製o既鰹魚醬油調味，配上適量o既蔥花、天婦羅碎、同薑茸，集香脆彈牙清新於一身，真係抵XO仔激讚 ！
半熟蛋天婦羅（$10/隻）：半熟蛋天婦羅個蛋黃居然已經熟透，毫不流心 ，既然「炸蛋」的心也實透了，小肥又點會唔失望呢 ？！當時嬲到連相都唔記得影！其次，個天婦羅「炸皮」太厚，而且成隻蛋涷冰冰，天呀，認真失敗 ！
自助快餐店形式經營o既「丸亀製麵」，環境、服務、衛生都OK。醬油蘿蔔茸拌烏冬美味可口，價錢尚可接受，唯獨是要十蚊雞食隻貨不對辦o既「炸蛋」，試問XO仔又點可以唔扣分呢 ！
張貼
