影片
更多
2020-06-09
612 瀏覽
困係限聚令咁耐，係時侯要滾動下，無論哲學角度定係現代角度、歷史角度。男人老狗從來都係得兩樣野煩，一係就錢一係就女人。放棄呢種舊有思想啦！何不享受一下自由既空氣，兩袖清風，了無牽掛，盡情進入忘我境界。巴打，係時侯啦！等我帶你黎尖咀呢間「The Old Monk Bar & Grill」做返一次酷兒咁多，型到盡頭……都係型sor！👇📌A p p e t i z e r - ▪ Octopus - $135▫ 大廚巧妙咁將薯仔、檸檬、大蒜、橄欖油、意大利芫荽將呢道「烤西班牙八爪魚」昇華到另一個層次。食落八爪魚外層微脆，裡面肉質爽彈，帶少少咬口；烤既時間亦岩岩好，所以食落唔會太難咬，煙煙韌韌，加上香料既配搭，我覺得香濃得黎不失真，配上薯仔就最好不過。📌P a s t a - ▪ Shrimp Linguine - $170▫ 由大廚親自推薦既「大蝦蕃茄扁意粉」，最亮點當然就係佢既大蝦啦。一食就感覺到相當新鮮。而且烤過之後，肉質份外爽脆彈牙，有果種好清脆既感覺；而扁意粉我認為唔錯，韌度十足，唔會太過腍身，帶豐富而濃烈既蕃茄味，酸酸甜甜，整體感覺果然無失望！📌M a i n s - $390 (
男人老狗從來都係得兩樣野煩，一係就錢一係就女人。
放棄呢種舊有思想啦！何不享受一下自由既空氣，兩袖清風，了無牽掛，
盡情進入忘我境界。巴打，係時侯啦！等我帶你黎尖咀呢間「The Old Monk Bar & Grill」
做返一次酷兒咁多，型到盡頭……都係型sor！👇
📌A p p e t i z e r -
▪ Octopus - $135
▫ 大廚巧妙咁將薯仔、檸檬、大蒜、橄欖油、意大利芫荽將呢道「烤西班牙八爪魚」
昇華到另一個層次。食落八爪魚外層微脆，裡面肉質爽彈，帶少少咬口；
烤既時間亦岩岩好，所以食落唔會太難咬，煙煙韌韌，加上香料既配搭，
我覺得香濃得黎不失真，配上薯仔就最好不過。
📌P a s t a -
▪ Shrimp Linguine - $170
▫ 由大廚親自推薦既「大蝦蕃茄扁意粉」，最亮點當然就係佢既大蝦啦。
一食就感覺到相當新鮮。而且烤過之後，肉質份外爽脆彈牙，有果種好清脆既感覺；
而扁意粉我認為唔錯，韌度十足，唔會太過腍身，帶豐富而濃烈既蕃茄味，
酸酸甜甜，整體感覺果然無失望！
📌M a i n s - $390 (For2-4)
▪ Iberico Lamb Spare Ribs - $390
▫ 不得不試既「伊比利亞烤羊肋骨」，作為餐廳既招牌菜之一，睇下佢咩料先。
伊比利亞既羊出名肉質嫩滑，羶味輕盈，令人齒頰留香。而呢個份量比我想像中更加多，
入口柔軟多汁，加上大廚將香料醃得好入味，濃香帶少少羶勁；
外皮又烤得夠脆口，裡面又唔乾身，相當好食，呢個你一定要試！
📌D e s s e r t s -
▪ Tiramisu - $80
▫ 估唔到甜品都幾有驚喜，賣相吸引之餘，食落甜度適中，奶既比例岩岩好；
裡面既夾心層做得夠濕潤，帶少少酒香，層次分明，相當清新呀。
📌M o c k t a i l s -
▪ Strawberry Shake - $53(HH)
▫ 咁熱既天氣整返杯Strawberry Shake 就梗咖啦，入口帶豐富既士多啤梨果香，
加上造型精緻，岩哂我呢d打卡L呀。
📌C o c k t a i l s -
▪ Nothing - $63(HH)
▫ 將Vodka、蜜桃甜酒、雲呢拿糖漿、檸檬汁同埋菠蘿汁混合製成既清涼Cocktail，
相當易入口，比Mojito更加refresh，係女士們既恩物呀。
張貼
