一向對早餐有要求的胃食貓, 自從一次機緣巧合下試過呢度既早餐後, 就一直念念不忘,
皆因係我食過最好食既早餐之一
暖暖既丹麥厚多士, 香濃既牛油, 酥脆既口感, 一級棒!
香煎午餐肉夠厚夠大塊, 煎到好香, 少少咸, 好惹味
炒滑蛋係茶餐廳早餐既靈魂所在, 呢度水準高班,
一直都keep 得好好, 
每次都炒到香滑濃到食多10份都得! 
炒蛋上既黑松露好香, 份量一啲都唔吝嗇, 溝埋啲蛋一齊食又得,
一啖蛋一啖黑松露又得, 
好得~ 得咗~ 
雪菜肉絲米既份量, 配搭, 味道, 濃淡, 都配合得好好, 連湯都飲埋
熱茶走甘香濃, 除左讚, 都係讚
呢個餐, 每次食完既後遺症就係想再食多一份,
同埋成日心掛掛想再去... 
順帶一提, 呢度服務唔錯, 連帶位, 收牌, 執枱既伙計都會講唔該
呢間平民茶餐廳, 價錢公道, 食物質素高, 服務唔錯, 真係值得推介同支持既隠世茶餐廳
3
