影片
更多
2020-09-18
1539 瀏覽
有人問我寂寞係一種咩心態？究竟佢有無相反詞？唔好意思，陸永已經幫我解答左，寂寞係無相反詞。無論幸福快樂熱鬧滿足呢d字，只你係描述緊外在狀態，並唔代表你內心係唔寂寞。一大班人出黎，其實佢地內心都感到寂寞，而圍爐取暖姐。有無諗過你玩緊既IG都係為左想比人知你做緊咩？如果得返你一個生存，咁玩IG仲有咩意思？所以唔好同寂寞鬥氣，得閒就搵朋友出去食個飯，呢間「燒 烤 堂 · Skewer Kitchen」，食住串燒暖下胃暖埋個心啦！👇📌日 本 無 激 素 · 走 地 雞 系 列 -▪ 鹽燒阿波尾 · 七里香 (日) - $20/串▫ 佢地既串燒全部都好細心列明用咩方式烹調，好似呢個阿波尾雞肉串就用日式配搭椒鹽燒成。肉質肥瘦相間，食落啖啖軟骨，口感香脆又惹味！📌燒 · 鳥 -▪ 汁燒免治雞肉 · 月見軟骨棒 (日) - $30/串▫ 而必點既月見雞肉棒，同樣用日式處理，質感軟骨比阿波尾更有咬口，再沾上誘人既日本生雞蛋同埋燒汁，入口更加滑溜，相當好味。📌燒 · 牛 -▪ 厚切鹽燒 · 牛舌腩 (日) - $48/串▫ 識嗌一定會嗌牛舌腩，事關佢地將牛舌最爽口既部位燒得岩岩好，唔會太乾身所以完全唔韌。
無論幸福快樂熱鬧滿足呢d字，只你係描述緊外在狀態，並唔代表你內心係唔寂寞。
一大班人出黎，其實佢地內心都感到寂寞，而圍爐取暖姐。
有無諗過你玩緊既IG都係為左想比人知你做緊咩？如果得返你一個生存，咁玩IG仲有咩意思？
所以唔好同寂寞鬥氣，得閒就搵朋友出去食個飯，呢間「燒 烤 堂 · Skewer Kitchen」，
食住串燒暖下胃暖埋個心啦！👇
📌日 本 無 激 素 · 走 地 雞 系 列 -
▪ 鹽燒阿波尾 · 七里香 (日) - $20/串
▫ 佢地既串燒全部都好細心列明用咩方式烹調，好似呢個阿波尾雞肉串
就用日式配搭椒鹽燒成。肉質肥瘦相間，食落啖啖軟骨，口感香脆又惹味！
📌燒 · 鳥 -
▪ 汁燒免治雞肉 · 月見軟骨棒 (日) - $30/串
▫ 而必點既月見雞肉棒，同樣用日式處理，質感軟骨比阿波尾更有咬口，
再沾上誘人既日本生雞蛋同埋燒汁，入口更加滑溜，相當好味。
📌燒 · 牛 -
▪ 厚切鹽燒 · 牛舌腩 (日) - $48/串
▫ 識嗌一定會嗌牛舌腩，事關佢地將牛舌最爽口既部位燒得岩岩好，
唔會太乾身所以完全唔韌。肉質咬落裡面仲非常Juciy，果然高質！
📌燒 · 魚 -
▪ 鹽燒 · 白鱔 (日) - $48/串
▫ 最期待既白鱔亦有驚喜，賣相夠厚肉，所以燒出黎魚皮帶微脆；
食落油脂豐富，口感又夠爽彈，正所謂皮香脆肉啖啖嫩，就係咁解。
📌海 · 鮮 -
▪ 川 燒 · 活 元 貝 (川) -
▫ 以四川方式燒烤既元貝零舍不同呀，面頭蓋上密麻麻既粉絲，吸收哂元貝既精華，
食落特別爽甜；而元貝亦唔輸蝕，賣相夠大隻，又夠新鮮腍滑，無得輸！
📌得 意 作 -
▪ 焦糖青蘋果 · 鵝肝多士 (西) - $78
▫ 話明係得意作，就梗係好受歡迎啦，鵝肝賣相肥美，食落油香十足，
而中間夾住一塊青蘋果，酸酸甜甜中和鵝肝本身既油膩感；
最下面既多士鋪左層焦糖，所以特別香脆惹味，相當唔錯！
📌燒 · 羊 -
▪ 秘製 · 燒羊架 (新) - $48/份
▫ 羊架用左新疆形式去燒，難怪一黎到已經聞到香，肉質肥美腍滑，
一咬落裡面仲非常多汁，完全唔乾身；而且唔會太重羊羶味，係我鍾意食既羊架！
📌穀 · 物 -
▪ 明太子醬 · 燒飯糰 - $38/件
▫ 令我印象深刻仲有呢個燒飯團，表層鋪左滿滿既明太子醬，加強左成個口感層次；
而飯糰本身燒得岩岩好，帶少少煙韌感，但唔會過硬。再連埋紫菜一齊食，絕對值得一試。
張貼
