影片
更多
2007-11-12
4 瀏覽
ND之前都睇雜誌介紹過，主要都係提倡慢食主義，用料除以新鮮有機食材之外，煮法都會唔落味精、用橄欖油代替牛油等，所以代價就會係價錢會貴Ｄ，不過，食得健康都係值得。環境：全店大概50個位左右，佈置簡約，所以哩呢度食飯唔使太拘促。而且，依度仲有幾個窗口位，雖然景觀唔算好靚，但傍晚早少少哩都可以欣賞到日落美景！服務：雖然佢唔係酒店裡嘅星級餐廳，但始終算係間中產食店，所以侍應嘅服務都好熨貼、有禮同細心！哩度會先問你要凍水定熱水，又會為你鋪餐巾，上菜時除咗經理或侍應簡單咁介紹吓個菜之外，仲會提醒你小心碟熱，總之你細心留意就會發現佢哋有好多細心位！味道：四道菜嘅晚餐，真係無得彈，各有獨特個性。坐落，先哩自家制嘅新鮮麵包，有軟熟嘅法包，又有香脆嘅麵包條，一軟一硬，配合意大利黑醋同橄欖油，又係一濃香一清新，為今晚餐飯揭開滋味嘅序幕！餐湯：今晚個湯真係幾特別，個名叫「小洋薊（音：繼）湯」，睇英文就反而熟悉Ｄ，Artichoke Soup，即係阿支竹。經理話個湯嘅做法係先將個阿支竹打成蓉，加上湯煮，上菜時再加少許橄欖油，完全無加忌廉，而且，佢哋係用有機嘅阿支竹，個湯本身又有降血壓功用，所以非常健康有益。至於
環境：全店大概50個位左右，佈置簡約，所以哩呢度食飯唔使太拘促。而且，依度仲有幾個窗口位，雖然景觀唔算好靚，但傍晚早少少哩都可以欣賞到日落美景！
服務：雖然佢唔係酒店裡嘅星級餐廳，但始終算係間中產食店，所以侍應嘅服務都好熨貼、有禮同細心！哩度會先問你要凍水定熱水，又會為你鋪餐巾，上菜時除咗經理或侍應簡單咁介紹吓個菜之外，仲會提醒你小心碟熱，總之你細心留意就會發現佢哋有好多細心位！
味道：四道菜嘅晚餐，真係無得彈，各有獨特個性。坐落，先哩自家制嘅新鮮麵包，有軟熟嘅法包，又有香脆嘅麵包條，一軟一硬，配合意大利黑醋同橄欖油，又係一濃香一清新，為今晚餐飯揭開滋味嘅序幕！
餐湯：今晚個湯真係幾特別，個名叫「小洋薊（音：繼）湯」，睇英文就反而熟悉Ｄ，Artichoke Soup，即係阿支竹。經理話個湯嘅做法係先將個阿支竹打成蓉，加上湯煮，上菜時再加少許橄欖油，完全無加忌廉，而且，佢哋係用有機嘅阿支竹，個湯本身又有降血壓功用，所以非常健康有益。至於個湯就淡淡墨綠色，賣相無乜花巧，飲落去唔似一般忌廉湯咁好滑溜，但好有質感，相信係大廚專燈唔隔清而保留少許阿支竹嘅微粒，嗒真Ｄ仲有少少回甘嘅感覺。餐湯已經咁有驚喜，更期待之後嘅意粉同主菜！
意粉：「ND Style嘅蒜香、欖油、辣椒意大利粉」，又係一道簡約唔講賣相嘅美食，真係講內涵！據經理講，意粉都係用有機意大利粉，意粉表面會有少少粗嚡，但醬汁更易上身，掛醬效果更好，而且，意粉煮得煙韌好有咬口，做到al dente要求！味道方面，拌以意大利蒜頭、初榨橄欖油、辣椒及巴馬臣芝士，一放上枱，濃郁嘅蒜香同幽幽嘅芝士香真係撲鼻而哩，食落又有微微嘅辣，真係好鬼正！
主菜：輪到個主菜「燒羊扒配香草松子蓉」，真係好得，羊扒用紐西蘭嘅羊仔扒（Baby Lamb）將外層煎封後，再鋪上什香草同松子蓉入爐烤焗，跟住伴上火箭菜同薯仔上碟。切開見到中間嫩嫩粉紅嘅羊仔扒，但又唔會好似未熟咁血淋淋，熟透程度啱啱好。一啖入口，好嫩滑，好軟熟，肉汁豐盈，食落無渣，無論配芥辣醬或薄荷醬食味都一流！可能係Baby Lamb關係，所以唔太羶，外層嘅什香草又好香，反而松子蓉就唔太明顯。食到哩度都已經好飽吓，但諗起滋味嘅甜品，絕對可以加大個小宇宙繼續作戰！
甜品：「Tiramisu」，依度嘅招牌，亦係意大利嘅經典。賣相依然平實唔花巧，但份量足，只係用一枝脆糖膠做點綴。個意大利芝士餅果然係招牌甜品，醇香嘅咖啡酒味就指定動作（有Ｄ人可能會稍嫌佢嘅酒味重左少少，我自己就覺得ＯＫ喎），但佢勝在Ｄ手指餅係浸咖啡酒方面浸得夠透夠均勻，唔會一面好濕，另一面又唔夠酒，仲有就係中間嘅Mascarpone芝士亦做得超軟滑，但又夠挺身，相信係落魚膠嘅份量夠準繩，真係好食，哩多件都仲得呀！
飲品：食完個甜品已經可以話係完美既結束，誰不知餐飲唔係普通嘅Coffee or Tea，而係一杯Cappuccino（意大利泡沫咖啡），泡沫打得幼滑，咖啡細膩香濃，真係完美嘅結束。
張貼
