當中既「超巨大」系列除左好打卡able之餘，味道同樣出色、當中超巨型魚柳絕對係必食之選，而我就係試左呢個啦🤣
另外餐廳有個期間限定優惠，就係打卡+follow 社交平台就會送香芒粒粒紅茶！有興趣既朋友快D去試下啦
👉🏻巨型香脆雞扒配明太子沙律醬 $88✨
份量真係超！大！一上枱已經懷疑到底食唔食得哂🤣舊舊肉都又大又厚，絕對係雞肉愛好者嘅夢幻之選！雞肉外皮炸至金黃酥脆，入面可以keep住滑嫩多汁嘅口感，食落唔會有雪味同埋唔會鞋，再搭配埋鹹香惹味嘅明太子沙律醬，同雞扒簡直係絕配😋除左雞扒之外仲有配埋茶碗蒸，飯同麵豉湯，男仔食都夠哂飽肚🙂↕️
👉🏻超巨型吉列魚柳滑蛋丼 $88✨
呢個魚柳滑蛋丼可以話係宴食堂名物！名副其實嘅招牌之選！因為每一枱都見到有人叫🤣魚柳嚴選採用 25cm 長嘅吉列魚柳，外脆內嫩，啖啖都咁juicy！脆皮唔會太厚，食落唔會炸到好硬。魚唔腥，無雪味，唔會一夾就斷。滑蛋飯可以保留到蛋汁喺面，唔會過熟。飯入面加左日本醬油去煮，所以食落帶甜味，唔會太咸，個人幾鐘意😋
👉🏻豆腐天婦羅2件 $28✨
天婦羅炸得金黃酥脆，麵衣厚薄適中。食落口外層酥脆，入面既豆腐柔滑細膩，帶有淡淡豆香。上面嘅海苔為佢嘅味道增加咗一絲層次感🙂↕️
👉🏻香脆炸雞3件 $28✨
炸雞舊舊都好大舊，麵衣唔會太厚，食落口厚度適中。外面既麵衣脆口，好似薯片咁🤣入面既雞肉嫩身有肉汁，食落口啖啖肉，唔會有雪櫃味，點埋沙律醬就更加好食😋
👉🏻沖繩四季柑梳打 $38✨
味道酸酸甜甜，飲落好開胃😋酸甜既味道再加埋梳打既碳酸感覺，喺夏天飲就最適合用嚟解暑！🙂↕️
👉🏻香芒粒粒紅茶 $38✨
底部係粒粒既芒果粒，因為叫左少甜，所以飲落唔會太甜，用來解膩都唔錯架🙂↕️
