一本鐵板燒日本料理 (已結業)

我今晚第一次同屋企人去呢間日本料理，滿心歡喜期待，我地叫咗1碗拉麵、2碟炒飯，點知碗拉麵要等成20分鐘，而且炒飯就要等成45分鐘先有得食。以為等咗咁耐，食物質素好，都算叫補番數。但嗰2碟不同款嘅炒飯，完全炒到一樣兼都係「無料」，只得「雜豆炒飯」。我地其實係叫「雞肉炒飯」同「龍蝦炒飯」，但完全無雞肉兼龍蝦炒飯連蝦米都無隻，簡直完全唔掂，埋單成$254，簡直嘥時間兼嘥錢！！！blacklist。決定以後一定唔會再去！