更多
2020-07-09
5126 瀏覽
能夠置身於空中,享受浪漫氛圍,細閱維港景色,呢份奢華感覺不時令我垂涎三尺。而今次對港島人黎講,絕對係一份榮幸,因為藏身於北角既「維港凱悅尚萃酒店 - Hyatt Centric Victoria Harbour Hong Kong」,除左頂層空中餐廳「Cruise」提供一系列既東南亞風味美食,酒店仲推出左係2020年最平最抵既Staycation優惠,享用一晚住宿享受外,額外加多$400就包埋你一個Dinner for two。既然無得去旅行,又想抖返啖氣既,的確係個唔錯既選擇,無論對住個海景傾計定係食野,都係一種極度治癒既快感,將會係2020年最具潛質既玻璃之城!👇📌Dinner Sharing Menu - For Two Persons♦️ A p p e t i z e r –▪ Prawn Crackers▫ 係呢個dinner既旅程前,餐廳先送上一碟「脆炸蝦片」,加上無限初暢飲兩小時,我呢d酒鬼就最岩呀。先黎兩杯sparkling將個味蕾喚醒,再食埋附上三款東南亞風味醬汁既蝦片,食落爽脆無比,停唔到口呀!▪ Hiramasa Kingfish - ▫ 第一道日式前菜「油甘魚刺
而今次對港島人黎講,絕對係一份榮幸,因為藏身於北角既「維港凱悅尚萃酒店 - Hyatt Centric Victoria Harbour Hong Kong」,除左頂層空中餐廳「Cruise」 提供一系列既東南亞風味美食,酒店仲推出左係2020年最平最抵既Staycation優惠, 享用一晚住宿享受外,額外加多$400就包埋你一個Dinner for two。 既然無得去旅行,又想抖返啖氣既,的確係個唔錯既選擇,無論對住個海景傾計定係食野, 都係一種極度治癒既快感,將會係2020年最具潛質既玻璃之城!👇 📌Dinner Sharing Menu - For Two Persons
♦️ A p p e t i z e r –
▪ Prawn Crackers ▫ 係呢個dinner既旅程前,餐廳先送上一碟「脆炸蝦片」,加上無限初暢飲兩小時,
我呢d酒鬼就最岩呀。先黎兩杯sparkling將個味蕾喚醒,再食埋附上三款東南亞風味
醬汁既蝦片,食落爽脆無比,停唔到口呀! ▪ Hiramasa Kingfish - ▫ 第一道日式前菜「油甘魚 刺身」色澤紋路均勻,配上配搭青檸香草汁、
醃青辣椒、金不換,入口惹味甘香;食落肉厚肥嫩,魚肉有咬口, 油花瞬間發爆係舌尖,好有驚喜! ▪ Rice Paper Rolls - ▫ 下一道越南特色小食「鮮蝦豬肉米紙卷」,將粉皮包住原隻鮮蝦、
辣豬肉碎、香草、甜魚露,一次食勻唔同味道既層次。而米紙卷質感煙韌, 鮮蝦肉質爽彈,成個感覺帖常清新! ▪ Korean Fried Broccoli - ▫ 繼日本、越南之後去邊好?當然係輪到韓國啦,呢道「香辣韓式炸西蘭花」
夠真係幾有諗頭。將西蘭花炸透後再加辣椒醬、芝麻一齊炒,
再放上椰菜紅蘿蔔絲沙律,成個口感好豐富;西蘭花炸粉夠薄身,
口感好似食緊韓式炸雞咁,但裡面同時好嫩滑多汁,帶少少辣勁好特別! ♦️M a i n s -
▪ Green Chicken Curry - ▫ 跟住飛到去泰國,我地試左「青咖哩雞」,一道完美同白飯結合既主菜,
用左走地雞黎做主角,所以肉質食落特別幼嫩爽滑,而配上辣椒、茄子、椰子、
金不換既青咖喱,特別濃香惹味,但又唔會太辣,岩哂香港人口味呀。 ▪ Giant Tiger Prawns - ▫ 輪到最後最濃味既「香辣蔥蒜炒大虎蝦」,原來大廚將虎蝦加左紅尖椒、
薑蔥、蒜頭去爆,唔怪得陣陣既辛辣感已經離遠都聞到。蝦肉食落香口彈牙,
而且份量真係去到King Size,非常滿足! ♦️D e s s e r t -
▪ Caramelized Japanese Cheesecake - ▫ 另一亮點既「焦糖焗日式芝士蛋糕」用上日式芝士蛋糕加埋焦糖燒製,甜度岩岩好;
另外有一個好似分子料理既芝士蛋糕泡沫,食落質輕盈,但同時芝士味相當濃香, 旁邊雜莓增加左成個豐滿感,非常好食!
張貼