簡單廚房 (已結業)

星期五晚大約九點鐘入座，唔駛等位，食物好快就上檯。叫左兩份一人晚餐，分別係南瓜雞扒石頭窩飯 ($48) 同辣牛肉Pizza ($82) ，價錢包左餐湯同飲品，份量 ok、價錢 ok、味道亦唔錯，只係個餐湯差得離譜，好似用粉開水咁，仲要勁咸 。南瓜雞扒石頭窩飯甜甜地、濕濕地，有o的似Risotto，不過無Risotto咁有口感，有飯焦，加埋雞扒煎得剛剛好，好味！ 辣牛肉Pizza份量細細地，薄薄脆脆，有好輕微o既辣味，都幾好食！環境方面，裝修靚、坐得舒服。個人鍾意佢以「大拖鞋」做牆身o既裝飾，得意又特別！整體黎講，食物唔差，雖然無咩驚喜，不過亦不失為一個開餐o既好地方，一試無妨。