更多
2020-02-12
3489 瀏覽
之前講過結婚周年日撞正老婆返學嘅日子，就暫時買件蛋糕嚟預祝一下，再擇日食餐特別菜。結果，翌日就嚟到尖沙咀嘅「Cali-Mex」食墨西哥菜，算特色喇啩，因為，平常真喺好少揀墨西哥呢個菜系，而小弟食墨西哥菜嘅次數亦喺一隻手掌數得晒。小弟之前去過啲墨西哥餐廳，晌裝修上花咗唔少心思，頗有墨西哥色彩，但「Cali-Mex」就唔算太濃烈，主要都只喺整幅牆身畫上中美洲嘅風情。其實餐廳嘅格局好深，再入啲，一室紅磚牆，牆上畫有美國公路嘅數字標誌，反而覺得有種美國西部風情。而我哋就被安排坐晌餐廳中間位嘅卡位，既闊落，又舒服。因為餐廳同時定位為一間酒吧餐廳，當然有唔少酒賣，而且，更晌卡位設置自斟啤酒機，讓客人可以食住墨西哥粟米片，一路暢飲。只不過，我同老婆都不好此道而已。啤酒唔啱，但嘢食就有好多選擇，有前菜、沙律，以及種類極多嘅墨西哥美食；此外，更有美國牛扒、漢堡，多款主菜；揭到最尾一頁，竟然仲有全日早餐添，而餐牌有晒圖片參考，色彩鮮明奪目，夠晒熱情，充滿活力，睇落都非常吸引。主餐牌外，枱上仲有一大張硬餐牌，一版印刷非常精美，喺十多款賣相精緻嘅特飲，另一版就列列埋其餘飲品，當然絕大部份都喺酒精類，而非酒精嘅
小弟之前去過啲墨西哥餐廳，晌裝修上花咗唔少心思，頗有墨西哥色彩，但「Cali-Mex」就唔算太濃烈，主要都只喺整幅牆身畫上中美洲嘅風情。
其實餐廳嘅格局好深，再入啲，一室紅磚牆，牆上畫有美國公路嘅數字標誌，反而覺得有種美國西部風情。而我哋就被安排坐晌餐廳中間位嘅卡位，既闊落，又舒服。
因為餐廳同時定位為一間酒吧餐廳，當然有唔少酒賣，而且，更晌卡位設置自斟啤酒機，讓客人可以食住墨西哥粟米片，一路暢飲。只不過，我同老婆都不好此道而已。
啤酒唔啱，但嘢食就有好多選擇，有前菜、沙律，以及種類極多嘅墨西哥美食；此外，更有美國牛扒、漢堡，多款主菜；揭到最尾一頁，竟然仲有全日早餐添，而餐牌有晒圖片參考，色彩鮮明奪目，夠晒熱情，充滿活力，睇落都非常吸引。
主餐牌外，枱上仲有一大張硬餐牌，一版印刷非常精美，喺十多款賣相精緻嘅特飲，另一版就列列埋其餘飲品，當然絕大部份都喺酒精類，而非酒精嘅概略就佔所有飲品1/8左右。
加洲科布沙律 $1083款沙律中，好似呢款幾特別咁，餐牌雖然寫晒有咩材料，但有部份都唔喺好知咩嚟，所以，決定冒吓險試試。沙律上到枱，猶如中美風情，色彩艷麗，內有脆炸煙肉、牛油果醬、蕃茄洋蔥粒、烚蛋及大量羅馬生菜。將所有材料撈均後，一羹入口，生菜好爽脆，並拌以藍芝士醬汁，味道鹹鹹香香；煙肉、牛油果醬、蕃茄粒、洋蔥粒，都令味道變得好豐富。
加洲科布沙律
$108
81 瀏覽
0 讚好
0 留言
烤巴哈魚 $28沙律類可以加配菜，有烤雞胸粒、漁人碼頭蝦、安格斯牛粒、牛油果醬及烤魚，額外加錢$20-$28，老婆就揀咗烤魚。小碗都堆得滿滿，煎得幾香口，但唔好太期望，無乜魚味，所以，撈埋落啲沙律一齊食就好啲。
菠菜芝士焗龍蝦尾 $98以小木砧板作為盛器，令賣相變得更精緻。龍蝦尾之上放有好多菠菜及芝士一齊焗，跟蝦肉已融為一體，蝦肉好爽彈，蝦味鮮甜，夾雜菠菜蓉及芝士，確喺好食，老婆就好滿意呢道菜添。
菠菜芝士焗龍蝦尾
$98
36 瀏覽
0 讚好
0 留言
墨西哥捲餅 $68 +$10（細份）店家嘅墨西哥捲餅、夾餅、薄餅、玉米片、焗芝士玉米捲、墨西哥碗都可以自選配料、辣度。而初時向侍應查問，細份有幾大，佢做嘅手勢令我覺得好似2/3條粟米嘅大細，加上只喺賣$68，都覺得應該唔會好大。嘩！嚟到就覺得有啲瀨嘢，都幾大份吓，兼且好墜手。
老婆選咗威尼斯沙灘素雞，所以需額外加多$10，而捲餅內夾有好多飯粒、蕃茄粒、椰菜、素雞，食半件都已經好飽肚。不過，可能我哋揀咗素雞，又走辣，所以，整體嘅味道喺清寡咗啲。
墨西哥薄餅 $88（半份）薄餅就由我揀配料，所以，揀嚟惹味少少嘅原味牛肉。餐牌嘅圖片我以為喺全份（共4件），原來喺半份嚟架。所以，我哋嘅墨西哥薄餅送到嚟，除咗有4大件薄餅之外，仲伴有少少沙律菜，大大抹牛油果醬及酸忌廉，咁嘅價真喺好抵食。
墨西哥薄餅（原味牛肉）
$88
25 瀏覽
0 讚好
0 留言
公婆叫咗4樣嘢，都算試得多，但餐牌中仍有好多嘢都想試，下次再嚟會搵多少少老友記。環境幾舒服，招呼又唔錯，難得就算喺尖沙咀區，食物嘅定價都唔貴，而且，有地道特色嘛，確喺物超所值！
張貼
