30
0
0
等級8
2021-09-18 1451 瀏覽
雖然作為美孚街坊,老實講,又唔喺美孚間間餐廳都試勻晒,有時都睇個人偏好。早排試咗間漢堡包店,老婆就揀咗個烤大啡菇素漢堡,大讚好食,最近又話想食番次漢堡,趁佢今日有堂上唔得閒煮,一於外賣。美孚近美孚廣場嗰邊,就有家風評不俗嘅漢堡包專門店,有時經過都見幾多人幫襯,今晚一於嚟試試。因為喺外賣專門店,環境、服務就無太多嘢好寫,不過,望落去,至少鋪面都企理乾淨。而當日招呼小弟位哥仔就幾好禮貌,兼詳細解釋轉套餐點搞。初時,單睇店名,以為佢哋淨喺賣漢堡,原來仲有意粉、薄餅,而飲品亦非只得汽水、梳打之類,仲有多款健康嘅冷泡茶,仲有幾多口味添,真喺估佢唔到。簡單講,任何主食加$10/$15轉為套餐,多一份薯條或蒜蓉包,前者可揀任何一款汽水,後者就可揀任何一款冷泡茶。除咗單張所顯示嘅固定款式,仲有一啲新款式或不時出現嘅期間限定,好似呢期就見到有啲芫荽漢堡、麻辣漢堡、吉列炸蠔漢堡、藍鱈魚柳嘅熱狗,睇落甚有新鮮感,又幾吸引,所以,都揀咗一款芫荽漢堡試試。此外,人多高興吓,可以試吓佢哋啲派對4人餐,漢堡包 x 意粉 x 薄餅 x 小食 x 飲品,選擇彈性大,實價$398,都食得過。雖然非繁忙時段,但亦見佢哋有做
更多
雖然作為美孚街坊,老實講,又唔喺美孚間間餐廳都試勻晒,有時都睇個人偏好。早排試咗間漢堡包店,老婆就揀咗個烤大啡菇素漢堡,大讚好食,最近又話想食番次漢堡,趁佢今日有堂上唔得閒煮,一於外賣。美孚近美孚廣場嗰邊,就有家風評不俗嘅漢堡包專門店,有時經過都見幾多人幫襯,今晚一於嚟試試。
7 瀏覽
0 讚好
0 留言

因為喺外賣專門店,環境、服務就無太多嘢好寫,不過,望落去,至少鋪面都企理乾淨。而當日招呼小弟位哥仔就幾好禮貌,兼詳細解釋轉套餐點搞。初時,單睇店名,以為佢哋淨喺賣漢堡,原來仲有意粉、薄餅
,而飲品亦非只得汽水、梳打之類,仲有多款健康嘅冷泡茶,仲有幾多口味添,真喺估佢唔到
。簡單講,任何主食加$10/$15轉為套餐,多一份薯條或蒜蓉包,前者可揀任何一款汽水,後者就可揀任何一款冷泡茶。
33 瀏覽
0 讚好
0 留言
10 瀏覽
0 讚好
0 留言
9 瀏覽
0 讚好
0 留言
除咗單張所顯示嘅固定款式,仲有一啲新款式或不時出現嘅期間限定,好似呢期就見到有啲芫荽漢堡、麻辣漢堡、吉列炸蠔漢堡、藍鱈魚柳嘅熱狗,睇落甚有新鮮感,又幾吸引,所以,都揀咗一款芫荽漢堡試試。
11 瀏覽
0 讚好
0 留言
15 瀏覽
0 讚好
0 留言
此外,人多高興吓,可以試吓佢哋啲派對4人餐,漢堡包 x 意粉 x 薄餅 x 小食 x 飲品,選擇彈性大,實價$398,都食得過
24 瀏覽
0 讚好
0 留言
雖然非繁忙時段,但亦見佢哋有做埋網上外賣速遞,加上始終都喺即點即做,都等咗15min左右,一大袋裝得齊齊整整。
4 瀏覽
0 讚好
0 留言
返到屋企,影番張大合照先啦,兩個餐,剛好小食試到薯條及蒜蓉包,而飲品,小弟向來唔健康,梗喺要汽水啦,老婆講健康,就要冷泡茶。
8 瀏覽
0 讚好
0 留言
薯條、蒜蓉包

雖然由店家拎到返屋企都喺十多分鐘,但薯條始終喺即炸即食,拎到返去難免差咗少少,不過,除有茄醬,仲附送黑松露醬,自然提升番啲薯條味道,而蒜蓉包就烘到好似多士咁,較乾身而脆卜卜,兼好勁嘅蒜香。
薯條、蒜蓉包
3 瀏覽
0 讚好
0 留言
人氣素牛肉漢堡 $98

都唔使多問,老婆一定喺揀素牛肉漢堡,其實,之前都曾經試過「未來牛肉」呢種素牛肉,質感、味道都好像真,所以,對素牛肉都好有信心。雖然,晌餐牌上都未有提及喺用邊一款素牛肉,但食落真喺幾唔錯,質感好鬆軟多汁,真喺有種食肉嘅感覺,加上塊素牛肉都幾厚身,仲有配上燒菠蘿、芝士,味道豐富。
人氣素牛肉漢堡
$98
1 瀏覽
0 讚好
0 留言
人氣素牛肉漢堡
1 瀏覽
0 讚好
0 留言
人氣素牛肉漢堡
1 瀏覽
0 讚好
0 留言
芫荽天婦羅豚肉漢堡 $68

初睇個名,以為將啲豚肉做成天婦羅夾晌中間,真喺諗多咗,其實喺啲芫荽做成天婦羅,再夾上豚肉漢堡扒,配上一個芫荽醬汁嘅組合。雖然喺貪得意揀嚟試,但估唔到效果比預期中夾喎,當然,大前題喺你唔抗拒芫荽,炸咗之後有啲脆脆哋,而塊豚肉漢堡扒好鬆化,佢哋啲包又好鬆熟。
芫荽天婦羅豚肉漢堡
$68
1 瀏覽
0 讚好
0 留言
芫荽天婦羅豚肉漢堡
2 瀏覽
0 讚好
0 留言
芫荽天婦羅豚肉漢堡
3 瀏覽
0 讚好
0 留言
蜜瓜梳打、玄米綠茶

蜜瓜味嘅嘢飲一向冷門少少,小弟都甚少揀,今次純粹貪得意,蜜瓜味梳打感覺一般般啦,除非你本身好鍾意蜜瓜味;反而支玄米綠茶感覺幾唔錯,淡淡茶香,頗清新。
蜜瓜梳打、玄米綠茶
1 瀏覽
0 讚好
0 留言
整體食物質素都唔錯,加$10轉套餐都好抵,我個芫荽天婦羅豚肉漢堡亦有驚喜,喺個人氣素牛肉漢堡個人覺得有少少貴,不過,有食過素嘅人都知,素食其實貴過一般嘅嘢食。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
等候時間
15 分鐘 (外賣自取)
人均消費
$95 (晚餐)