影片
更多
2022-11-05
38 瀏覽
幫朋友嚟半山購買有機食品，辦完正經事，順便睇下附近有乜好嘢食。沿堅道往金鐘方向走，見到之前小食店個位，新開咗間「陀地漢堡」。記得大約半年前喺灣仔幫襯過，原來餐廳最近喺呢度插旗，一於過去買番兩個包，回味下。店鋪主打外賣，不設堂食，如果唔想等，亦可以先致電落單，再去取餐。點咗份招牌陀地手打牛肉漢堡套餐 ($89)，另外再加咗個咕嚕菠蘿炸雞漢堡 ($106)。牛肉漢堡賣相非常吸引，而且拎上手好有份量，用料十足。牛肉很香口，質感新鮮，咬下去更有肉汁爆出，配上車打芝士及焦糖洋蔥醬，味道啱啱好，清爽不膩。 麵包選用了自家製嘅德國鹼水包，色澤深潤，頂頭有十字𠝹口，食落口感好紮實，外脆內柔韌，甚富嚼勁，食完很有飽足感。套餐包小食同飲品，揀咗份厚切梅子鹽味薯條，薯條新鮮即炸，咬落好脆口，梅子鹽微酸，入口唔會死鹹，同薯條好夾。另外個咕嚕菠蘿炸雞漢堡，亦睇頭十足，炸雞用上新鮮無激素雞肉炮製而成，雞塊大大件，炸粉唔厚，入口啖啖肉，配香煎菠蘿同咕嚕汁，味道酸酸甜甜，勁惹味，Perfect Match！整體嚟講，呢間小店嘅食物質素唔錯，值得支持！
沿堅道往金鐘方向走，見到之前小食店個位，新開咗間「陀地漢堡」。記得大約半年前喺灣仔幫襯過，原來餐廳最近喺呢度插旗，一於過去買番兩個包，回味下。
店鋪主打外賣，不設堂食，如果唔想等，亦可以先致電落單，再去取餐。
點咗份招牌陀地手打牛肉漢堡套餐 ($89)，另外再加咗個咕嚕菠蘿炸雞漢堡 ($106)。
牛肉漢堡賣相非常吸引，而且拎上手好有份量，用料十足。牛肉很香口，質感新鮮，咬下去更有肉汁爆出，配上車打芝士及焦糖洋蔥醬，味道啱啱好，清爽不膩。 
麵包選用了自家製嘅德國鹼水包，色澤深潤，頂頭有十字𠝹口，食落口感好紮實，外脆內柔韌，甚富嚼勁，食完很有飽足感。
套餐包小食同飲品，揀咗份厚切梅子鹽味薯條，薯條新鮮即炸，咬落好脆口，梅子鹽微酸，入口唔會死鹹，同薯條好夾。
另外個咕嚕菠蘿炸雞漢堡，亦睇頭十足，炸雞用上新鮮無激素雞肉炮製而成，雞塊大大件，炸粉唔厚，入口啖啖肉，配香煎菠蘿同咕嚕汁，味道酸酸甜甜，勁惹味，Perfect Match！
整體嚟講，呢間小店嘅食物質素唔錯，值得支持！
張貼
