影片
更多
2020-05-08
6647 瀏覽
「在相識頭一秒，知道自己找到了。」唔知大家有無試過呢種感覺？無論你係行街買野定新識朋友，好多時就係講果一下既眼緣。可能你明知件衫或個袋好適合你或者根本就唔實用，但果刻你感覺就係佢啦！你就會明知你都係塞係櫃到你都會照買佢返去。又例如你只係咁岩路過，同個陌生人嗲左兩句，點知一見如故，吹到唔捨得走，結果變左最好朋友，呢種咁奇特既化學作用，的確好神奇。就等同我係Youtube無意中睇到杜生介紹呢間餐廳「Y Show Tasty」完美應用係呢套道理當中，就注定我一定要去走一趟，加上杜生熱烈地彈琴熱烈地唱既加持下，我諗無任何藉口唔到此一遊啦掛？👇📌M A I N - ▪ Roast Suckling Pig "In Our Way" -▫ 今次分別試左佢地幾款既招牌菜， 主要用左西班牙乳豬既豬脾位置「香烤乳豬」。呢個豬脾位肉質非常鮮嫩腍滑，由食客親手切件，比你享受下果種好清脆既感覺，呢下係治癒既。而分別配上兩款唔同口味既醬汁，由餐廳自家製既乳豬醬，其實係由芥末籽、麥芽糖打成既醬汁，將口感更加惹味，令油香停留係口腔，非常滿足；而醋汁就減低肥膩感，有種潮州打冷既風味，唔怪得食到杜生不斷嗌Encore啦
無論你係行街買野定新識朋友，好多時就係講果一下既眼緣。
可能你明知件衫或個袋好適合你或者根本就唔實用，但果刻你感覺就係佢啦！
你就會明知你都係塞係櫃到你都會照買佢返去。又例如你只係咁岩路過，
同個陌生人嗲左兩句，點知一見如故，吹到唔捨得走，結果變左最好朋友，
呢種咁奇特既化學作用，的確好神奇。就等同我係Youtube無意中睇到杜生
介紹呢間餐廳「Y Show Tasty」完美應用係呢套道理當中，就注定我一定要去走一趟，
加上杜生熱烈地彈琴熱烈地唱既加持下，我諗無任何藉口唔到此一遊啦掛？👇
📌M A I N -
▪ Roast Suckling Pig "In Our Way" -
▫ 今次分別試左佢地幾款既招牌菜， 主要用左西班牙乳豬既豬脾位置「香烤乳豬」。
呢個豬脾位肉質非常鮮嫩腍滑，由食客親手切件，比你享受下果種好清脆既感覺，呢下係治癒既。
而分別配上兩款唔同口味既醬汁，由餐廳自家製既乳豬醬，其實係由芥末籽、麥芽糖打成既醬汁，
將口感更加惹味，令油香停留係口腔，非常滿足；而醋汁就減低肥膩感，有種潮州打冷既風味，
唔怪得食到杜生不斷嗌Encore啦！
📌S O U P -
▪ Scallop & Crab Bisque -
▫ 賣相就認真似足龍蝦湯咁，其實佢係「蟹肉帶子濃湯」，只不過餐廳足足用左十斤
左右既蟹去再加埋龍蝦殼、蟹肉黎熬製而成。所以湯色睇落相當紅潤，而且層次豐富，
湯裡面仲有兩大隻原粒帶子，飲落湯底蟹味濃郁，而帶子食落鮮甜有咬口。就連杜生自誇煮龍蝦湯
有一手都忍唔住係咁大讚呢個湯，以呢個價錢有咁既質素，學杜生話齊真係蝕死你呀！
📌P A S T A -
▪ Lobster & Crab Fettuccine -
▫ 可能見到又係龍蝦，你會諗龍蝦係咪得罪左間餐廳呢？但對我呢Ｄ龍蝦控黎講，
就絕對係我最愛呀！呢個「龍蝦蟹肉寬條麵」。充份運用返帶子濃湯既湯底黎做返個sauce，
所以每一啖入口都充滿蟹香味，加上半隻龍蝦肉，食落啖啖爽口鮮甜，而麵條食落煙韌有咬口，
每條沾上醬汁相當惹味！
▪ Spicy Garlic Prawn Spaghetti -
▫ 另一皇牌主打「香蒜大蝦意粉」亦係我心頭好，用左大量香蒜連橄欖油一齊炒，成個意粉都充滿住
濃濃既香味；而主角當然唔少大蝦啦，食落口感爽滑彈牙，加上意炒得非常乾身，質感煙韌。
杜生，你果然無介紹錯！
張貼
