影片
更多
2020-06-17
317 瀏覽
有人同我講錢唔係萬能，我認同既，世界好簡單，但人類好複雜。人生係一條公式，所有野都係跟住利益去衡量，尤其是活係大時代下，純粹用平常心去對待，又真係可以咩？或者對本來無一物既我黎講，抱住菩提本無樹既心態，有d野可以過去就過去吧，唔好太執著，擁有過就算。所以近年都開始追求法國慢活文化，感覺成個人會輕盈，無咁重包袱感，呢種佛系人生係呢間好出名既正宗法式薄餅龍頭大哥「La Crêperie」，終於比我參透得到啦。👇📌Starter · Side Dishes -▪ Homemade Brittany · Fish Soup - $95▫ 先試一試充滿家鄉風味既「布列塔尼 · 魚湯」，湯色睇落偏橙紅，用左唔同既海魚熬煮而成，所以魚味特別濃稠香滑；而入口帶少少鹹香，Staff建議配搭埋crouton、芝士一齊飲，口感更加豐富惹味，呢個唔錯。▪ Foie Gras - $138▫ 法國菜熱食最地道當然係「法式鵝肝多士」啦，呢份鵝肝夠哂厚身，外層煎得甘香鬆脆唔在講；入口仲充滿油香，而底部配上焦糖蘋果同埋烤得岩岩好既多士，兩者配搭食落更加香脆，另外仲有蘋果酒醬汁，香甜得黎又唔會太膩，食得過！📌B i s
人生係一條公式，所有野都係跟住利益去衡量，尤其是活係大時代下，
純粹用平常心去對待，又真係可以咩？或者對本來無一物既我黎講，
抱住菩提本無樹既心態，有d野可以過去就過去吧，唔好太執著，擁有過就算。
所以近年都開始追求法國慢活文化，感覺成個人會輕盈，無咁重包袱感，
呢種佛系人生係呢間好出名既正宗法式薄餅龍頭大哥「La Crêperie」，
終於比我參透得到啦。👇
📌Starter · Side Dishes -
▪ Homemade Brittany · Fish Soup - $95
▫ 先試一試充滿家鄉風味既「布列塔尼 · 魚湯」，湯色睇落偏橙紅，
用左唔同既海魚熬煮而成，所以魚味特別濃稠香滑；
而入口帶少少鹹香，Staff建議配搭埋crouton、芝士一齊飲，
口感更加豐富惹味，呢個唔錯。
▪ Foie Gras - $138
▫ 法國菜熱食最地道當然係「法式鵝肝多士」啦，呢份鵝肝夠哂厚身，
外層煎得甘香鬆脆唔在講；入口仲充滿油香，而底部配上焦糖蘋果同埋
烤得岩岩好既多士，兩者配搭食落更加香脆，另外仲有蘋果酒醬汁，
香甜得黎又唔會太膩，食得過！
📌B i s t r o -
▪ Mussels · French Fries - $178
▫ 另一亮點就係呢個法國西北部海岸綫盛產既「法式藍青口」，
用上白酒煮成，一上枱已經聞到濃滑香甜既味道；份量比我想像中更加多，
而每粒青口果肉帶鮮橙色，光澤透光，入口鮮甜，口感細膩，真係食極都唔厭。
📌G a l e t t e s -
▪ La · Marin - $162
▫ 輪到重頭戲既法式薄餅，主要分鹹甜分Part，鹹味既我揀左「法式煎帶子國王餅」。
餅皮以蕎麥整成，所以顏色睇落帶深啡色，表面掃上一層鹽味牛油，
以正方形size呈上，而餅皮煎得夠乾身，唔會太軟腍，幾有咬口；搭配原粒帶子、
煙肉粒、炒雜菌一齊食，整體感覺濕潤又夠油香，好有原著風味呀！
📌C r ê p e s -
▪ La · Sexy Suzette - $118
▫ 跟住到甜味既「法式火焰可麗餅」，Staff會係食客面前倒上君度橙酒，
然後點火，酒精將個crepe帶出更加濃郁既香氣；而中間配上芒果雪芭、
自家製檸檬奶油，令整個餅皮甜度更加平衡；而餅皮夠透薄，
食落口感鬆脆煙韌，蛋味十足，鍾意食crepe既朋友呢個必定要試！
▪ Les Voies · De Saint Tropez - $88
▫ 另一甜味主打就係呢個以焦糖為主題既「聖特羅佩可麗餅」，表面放滿焦糖蘋果、
鹽味牛油，所以質感特別幼滑；而中間既雲呢拿雪糕增添左香甜既口感，
而主角餅皮表面沾滿焦糖牛油，入口煙韌彈滑，甜薄皮黎講呢個我最鍾意！
📌C i d e s -
▪ Keltys “Craft Cider” Organic · Dry - $58/Bowl
▫ 法國人最鍾意除左紅白酒，最愛就非「手工蘋果酒」莫屬啦，
佢地原來唔會用杯盛戴，會以好似飲女兒姐咁用碗上，好有特色；
而酒香飲落清爽，果香十足，配搭豐富牛油香既Galette、鵝肝、青口就最好不過啦！
張貼
