台風。R (已搬遷)

我諗喺灣仔地區（唔計銅鑼灣）「台風。R」都應該係我心目中數一數二嘅沾麵，除咗份量十足之外，就算平時Lunch 時間去都唔洗點排隊（可能咁啱夾喺銅鑼灣同灣仔中間）！

魚介豚骨沾麵

呢間沾麵我覺得其中一個貼心賣點就係可以轉啲配料，每次我都會將荀轉做紫菜，轉完好似有大約有5、6塊紫菜，大滿足！

魚介豚骨沾麵

今日我就揀咗「魚介豚骨沾麵」，沾麵湯底由豚骨湯底加入鰹魚乾磨成粉末製作而成，其濃厚程度足已將彈牙粗麵條掛湯。

魚介豚骨沾麵

另外，值得一提就係豚肉片，其顏色粉嫩，一問之下原來係經低溫慢煮烹飪而成，口感淋而嫩、入口即融！

如果你係大食又對食物質素有要求嘅話，經過真心可以一戰，佢普通麵嘅份量係其他拉麵店嘅1.5倍！