燒烤堂 (已搬遷) 新店位置

點解我咁鍾意去居酒屋飲酒？咁講真，返工已經做到隻狗咁咖啦，仲玥臨收工先話urgent，仲要即刻搞掂佢，你係我都心理不平衡啦。咁點可能唔放鬆下呢？不過居酒屋都有分高低質，呢間「燒烤堂」睇住佢不斷擴充分店，今次就去中環新店試下認真，認真試下！👇▪ 鹽 燒 雞 軟 骨 -▪ 鹽 燒 A4 宮 崎 和 牛 -▪ 西 班 牙 黑 毛 五 花 腩 -▫ 先黎一串「鹽燒雞軟骨」同埋「鹽燒A4宮崎和牛」，兩者各有特色，但同樣都係燒得好香脆，雞軟骨咬落索索聲，唔會太硬，好有口感；而和牛味道啱啱好，唔算太鹹，肉味又夠濃郁，肉質腍滑有彈性；再落輪到「西班牙黑毛五花腩」出埸，師傅烤得相當香脆，入口食落甘香嫩滑。唔錯；▪ 椒 鹽 炸 北 海 道 池 魚 仔 - ▪ 牛 油 果 豚 肉 卷 -▪ 汁 燒 免 治 雞 肉 軟 骨 釀 冬 菇 - ▫ 而呢個「椒鹽炸北海道池魚仔」味道同質感都幾似多春魚，但佢炸得特別酥脆，拎黎送啤酒就一流啦！「牛油果豚肉卷」用豚肉卷住牛油果黎燒，味道清新得黎又唔會覺得好膩，食多幾串都唔怕；另一款「汁燒免治雞肉軟骨釀冬菇」表面食到冬菇既香味，而裡面就保留免治雞肉果種腍滑質感，口感好特別。