我一定祈哂禱，希望如來佛祖觀世音比機我重頭黎過，
但每當我合埋眼，過左一秒，再睜返開對眼，時間不但止無停留，
仲一秒一秒咁過左去，我就知道機會係唔等人。
今晚我唔會再比機會自己後悔，我要食盡佢！👇
📌堂 煮 壽 喜 燒- $428
▪️ 日 本 A4 黒 毛 和 牛 - 250g
▪️ 野 菜 豆 腐 盤 -
▪️ 稻 庭 烏 冬 - (+$28)
▫️ staff教落呢個「堂煮壽喜燒」，我地先將「日本A4黒毛和牛」煎香，
然後加入壽喜燒醬汁，和牛等級相當高質，油脂分佈均分，
食落軟腍嫩滑，近乎入口即化，清哂之後就由staff加湯，
做成shabushabu，隨餐附送既「野菜豆腐盤」包括豆腐、
洋蔥、金菇、蘿蔔、冬菇、本菇、生菜、娃娃菜、京蔥，份量十足；
我額外加送既「稻庭烏冬」吸收成個湯既精華，
極度惹味，成個set我覺得係超抵食。
📌燒 物 -
▪️ 鹽 燒 羊 架 - $78/二本
▪️ 燒 廣 島 生 蠔 - $48/二本
▫️ 呢個「鹽燒羊架」睇落半肥瘦，食落無乜羊羶味，
肉質軟腍彈滑，一流；「燒廣島生蠔」用上千島汁燒，
就咁聞都覺得好香，生蠔肉質肥美飽滿，
裡面完全唔乾身，非常多汁，好食。
📌一 品 料 理 -
▪️ 清 酒 煮 蜆 - $75
▪️ 鹽 焗 牛 舌 - $48
▫️ 另外「清酒煮蜆」就咁睇都望到份量好多，食到明顯既酒香，
但同時唔會搶左蜆肉既鮮甜，值得一試；而「鹽焗牛舌」
食落油脂豐腴，經鹽焗過肉質爽嫩，味道唔會太鹹，
價錢亦公道。
▪️ 汁燒16寸日本大魷魚筒 - $98
▪️ 大 蝦 天 婦 羅 - $78/5本
▫️ 最後試埋呢個人氣經典「汁燒16寸日本大魷魚筒」，
個SIZE真係非常誇張，頭尾身分三段呈上，而且燒得岩岩好，
食落夠哂煙韌有咬口，呢個價錢認真超值；
「大蝦天婦羅」外層炸得夠脆身，蝦肉爽彈，送酒一流。
📌酒 類 -
▪️ 檸 檬 威 士 忌 梳 打 - $58
▪️ 三 得 利 頂 級 黑 生 啤 - $78/500ml
▫️ 話明酒埸，真男人一定係嗌酒咖啦，呢杯「檸檬威士忌梳打」
一埋枱見到成個杯身插滿哂一大排檸檬，幾有視覺效果，
飲落酸中帶爽，好醒神；「三得利頂級黑生啤」
一定係啤啤佢先夠過癮，黑啤麥味突出，酒埸基本野啦。
