初頭我以為自己無乜爭勝心，但由頭到尾我都係一個怕輸既人，
因為輸唔起，所以唔想鬥，只係一種逃避現實，或者食多D牛肉，
可以令我變得勇敢D，踏前多一步？👇
📌麵 食 -
▪️ 蘭 州 傳 統 牛 肉 麵 - $68
▫️ 第一碗必食肯定係「蘭州傳統牛肉麵」，佢d金牛展絕對比足份量，
每塊比例大大塊，肉質軟腍入味，；湯頭仲包括一大隻滷蛋、
白蘿蔔、蒜苗、香菜，麵條我揀左二麵，呢種麵食落介乎
偏向腍身與硬身之間，食落幾有咬口，湯底我揀左清湯，
反而食到個鮮甜味，好食。
▪️ 重 慶 擔 擔 麵 - $58
▫️ 第二碗「重慶擔擔麵」亦有驚喜，就咁睇湯頭都知非常足料，
食到大量豬肉碎、芝麻醬、花生醬，而麵條我揀左細麵，
煮既時間岩岩好，入口係好幼滑果種，而麻辣味同
花生醬比例均勻，兩者唔會太搶，值得推介。
📌小 食 -
▪️ 羊 肉 串 - $56
1
▫️ 呢個「羊肉串」一份三串，一上枱就用枝長型鐵竹插住，
夠哂霸氣，食落啖啖肉之餘，唔會太多筋，面頭加左孜然粉，
濃味得黎又唔會太重羊羶味，幾岩香港人口味。
▪️ 麻 辣 豬 肚 - $44
▪️ 紅 油 豬 耳 - $44
▫️ 另外仲有兩個小食又係必點，前者「麻辣豬肚」
麻辣味唔會太搶，入口係滿滿既麻香，咬落幾Q彈有咬口；
後者「紅油豬耳」口感係好爽口好煙韌，
而且辣味好平均，唔錯。
