影片
更多
2019-01-27
1685 瀏覽
今次千里迢迢去到天水圍覓食，就揀咗一間淨係喺大埔、上水、天水圍先有嘅台灣餐廳－－九份•十分。之前喺IG都見人推介過，今次終於闖到嚟新界西試啦！🤣🤣睇得出餐廳嘅裝修真係有花心思，牆上嘅佈置絕對可以為客人帶嚟身處喺台灣嘅感覺！🇹🇼紅燒牛肉麵 （$65）紅燒牛肉麵有兩種麵可以選擇，分別係幼麵同埋粗麵，我哋今次就揀咗幼麵。麵嘅口感唔錯，幾彈牙，再配上清得嚟帶少少微辣嘅湯底，好易入口。仲要勁足料，牛肉全部都大大件、又入味、又軟滑，但個人認為牛肉細件少少可能會比較方便客人進食，但真心幾好食，好評！台灣鹽酥雞 （$48）食台灣嘢必點嘅就係鹽酥雞！佢哋有6款調味料提供比客人自己調味，食到厭嘅時候又可以轉下新口味～個人較為推薦芝士粉、梅子粉同香辣粉。同埋呢到嘅鹽酥雞唔會炸到好厚粉，雞肉嫩滑多汁，份量又多，極配珍珠奶茶！台式咖喱牛腩跟手抓餅（$88）我哋亦都叫咗一款無咁具台灣代表性嘅食物－－台式咖喱牛腩跟手抓餅，但係我覺得咁多樣主食入面最有驚喜嘅就係呢樣！😍咖喱好香好濃、配手抓餅好好食！但食得多會覺得有啲鹹，建議要叫埋飲品先好試。咖喱入面有好多牛腩、牛筋，仲有薯角，份量好多，性價比極高。但係我哋得兩個人食
今次千里迢迢去到天水圍覓食，就揀咗一間淨係喺大埔、上水、天水圍先有嘅台灣餐廳－－九份•十分。之前喺IG都見人推介過，今次終於闖到嚟新界西試啦！🤣🤣
睇得出餐廳嘅裝修真係有花心思，牆上嘅佈置絕對可以為客人帶嚟身處喺台灣嘅感覺！🇹🇼
紅燒牛肉麵 （$65）紅燒牛肉麵有兩種麵可以選擇，分別係幼麵同埋粗麵，我哋今次就揀咗幼麵。
麵嘅口感唔錯，幾彈牙，再配上清得嚟帶少少微辣嘅湯底，好易入口。
仲要勁足料，牛肉全部都大大件、又入味、又軟滑，但個人認為牛肉細件少少可能會比較方便客人進食，但真心幾好食，好評！
台灣鹽酥雞 （$48）食台灣嘢必點嘅就係鹽酥雞！
佢哋有6款調味料提供比客人自己調味，食到厭嘅時候又可以轉下新口味～
個人較為推薦芝士粉、梅子粉同香辣粉。
同埋呢到嘅鹽酥雞唔會炸到好厚粉，雞肉嫩滑多汁，份量又多，極配珍珠奶茶！
台式咖喱牛腩跟手抓餅
$88
50 瀏覽
0 讚好
0 留言
我哋亦都叫咗一款無咁具台灣代表性嘅食物－－台式咖喱牛腩跟手抓餅，但係我覺得咁多樣主食入面最有驚喜嘅就係呢樣！😍
咖喱好香好濃、配手抓餅好好食！
但食得多會覺得有啲鹹，建議要叫埋飲品先好試。
咖喱入面有好多牛腩、牛筋，仲有薯角，份量好多，性價比極高。
但係我哋得兩個人食就稍嫌有啲多，如果下次三四個人叫一個嚟Share就啱啱好！值得一試！
台式肉鬆蛋捲 （$38）其實menu上面寫嘅係「台式肉鬆芝士蛋捲」，但結果原來根本係無芝士... 作為芝士愛好者有少少失望
再加上receipt上面變咗做「台式肉鬆蛋捲」，所以我哋覺得應該係改咗但未update menu。
佢嘅醬料同平時章魚燒上面嘅燒汁同埋沙律醬差唔多，蛋捲好厚，趁熱食好香，雖然無咗芝士，但都幾好食，係值得一試嘅小菜。
Menu嘅飲品選擇好多，每款睇落都好吸引！
胚芽珍珠奶茶（$28）；Oreo曲奇珍珠奶茶（$32）胚芽珍珠奶茶（$28）
為咗減輕飲珍珠奶茶同埋食咁多嘅內疚感，我哋其中一杯珍珠奶茶揀咗胚芽。
如果怕右面個杯Oreo味會蓋過奶味同茶味就可以揀呢杯！
呢到啲珍珠唔算好大粒，但幾有咬口～
揀微糖就可以啦，甜度啱啱好！
Oreo曲奇珍珠奶茶（$32）（加滿天星蒟蒻（+$4））
因為好奇所以加咗$4加滿天星蒟蒻，蒟蒻有少少蜜糖味，幾好咬口，微糖啱啱好唔會太甜，好飲！
成杯都有好多Oreo碎，所以記得要攪勻先好飲啊～
點少得甜品呀～～
雜果雪糕鬆餅 （$65）咁多款食物入面，呢個算係最圖文不符嘅一款，如果你剩係可以再食多少少嘢就唔好衝動叫呢個啦🤣
因為佢生果同窩夫嘅份量都真係超出咗我哋嘅預期，好大碟！
個人偏好食熱啲嘅窩夫，但呢個唔係，所以有啲可惜。
但不得不讚嘅係真係好足料，所有生果都好新鮮，芒果雪糕同埋cream都唔會過份甜，唔錯唔錯！
珍寶三色冰粉
$58
28 瀏覽
0 讚好
0 留言
好滿意！！
最有台灣特色嘅甜品果然都係芋圓，鍾意食芋圓嘅朋友強力推介啊！
入面放咗好多料，有紅豆、雪燕、蒟蒻、珍珠、芋圓、椰果、桃膠、愛玉、仙草、冰粉，每一樣配合埋一齊都覺得好好食！
係我下次嚟必定會再試嘅甜品！
總括而言，我覺得呢間質素認真唔錯！又平又好食！宜家我又多咗個理由要去新界西啦🤣
menu：
張貼
