影片
更多
2016-01-20
1702 瀏覽
早幾個月前已經聽到朋友話去食九重鮮，但食呢啲當然係人多去食先過癮，但一路又約唔齊人又冇左件事，最近有朋友做搞手終於一行四人去食。有三款選擇，分別有釜山、首爾、濟州塔，每款內容基本上都差不多，只係有某幾款海鮮唔同，咁當然價錢都有分別啦。等左陣九層塔終於黎到，真係好震撼，足足有成九層，要等大概20分鐘，85度溫度先可以食，最頂有個溫度計比大家睇住，夠溫度就可以食啦。第一層蟶子同象仔蚌口感非常爽口，味道鮮甜，而蟶子既體積唔細，肉都唔少，唔使點任何醬料，直接倀到海鮮原味。第二層清蒸元貝比較少食，因為平時點都會落蒜去增加味道，今次只落蔥花，完全感受到元貝既真正味道，元貝又夠肉厚。第三層海蝦體積唔細，蝦肉又夠爽口彈牙，唔會蒜到變蝦乾。金菇又夠爽口，帶點海鮮既味道，好食。第四層北寄貝同時都係壽司咁食，今次連埋殼覺得佢仲帶點水份。花尾龍躉肉質嫩滑，又配埋雲耳就更有口感。第五層見到沙巴肉蟹真係好興奮，蟹肉鮮甜，一梳梳咁啖啖肉，青口味道較淡，可能係我食完蟹既關係。第六層可能我食蟹食耐左，搞到我覺得大蚌同大花蛤口感韌左少少，可能蒸得太耐啦，水份都比較少，但味道同樣鮮味。第七層鮑魚口感煙韌，最驚喜係旁邊既蕃薯
有三款選擇，分別有釜山、首爾、濟州塔，每款內容基本上都差不多，只係有某幾款海鮮唔同，咁當然價錢都有分別啦。
等左陣九層塔終於黎到，真係好震撼，足足有成九層，要等大概20分鐘，85度溫度先可以食，最頂有個溫度計比大家睇住，夠溫度就可以食啦。
第一層蟶子同象仔蚌口感非常爽口，味道鮮甜，而蟶子既體積唔細，肉都唔少，唔使點任何醬料，直接倀到海鮮原味。
第二層清蒸元貝比較少食，因為平時點都會落蒜去增加味道，今次只落蔥花，完全感受到元貝既真正味道，元貝又夠肉厚。
第三層海蝦體積唔細，蝦肉又夠爽口彈牙，唔會蒜到變蝦乾。金菇又夠爽口，帶點海鮮既味道，好食。
第四層北寄貝同時都係壽司咁食，今次連埋殼覺得佢仲帶點水份。花尾龍躉肉質嫩滑，又配埋雲耳就更有口感。
第五層見到沙巴肉蟹真係好興奮，蟹肉鮮甜，一梳梳咁啖啖肉，青口味道較淡，可能係我食完蟹既關係。
第六層可能我食蟹食耐左，搞到我覺得大蚌同大花蛤口感韌左少少，可能蒸得太耐啦，水份都比較少，但味道同樣鮮味。
第七層鮑魚口感煙韌，最驚喜係旁邊既蕃薯，內裡粉軟，而且充滿海鮮既味道，好好食。
第八層海螺體積有點細，搞到食得唔太過隱，反而旁邊既日本南瓜及粟米仲吸引，因為已經吸曬海鮮既精華，好鮮甜，日本南瓜夠粉軟，粟米夠爽口。
第九層最後就係魚湯粥，唔使加水，只係放少少魚湯同米係底，你食曬上面既海鮮佢就已經變左煲粥，充滿海鮮既精華，好鮮甜，不過好似淡左少少，但飲完成個人暖曬。
之前食過另一間蒸海鮮，相比下九重鮮味道比較清，主張原汁原味，同埋有好多蔬菜係旁邊，感覺比較健康。
張貼
