影片
更多
2022-03-10
38 瀏覽
9 0 後 的 味 蕾老實講呢排疫情咁勁，大家份工都難保，真係慳得一蚊得一蚊，儲下子彈，今日係天后食到一間CP值超高既日式餐廳，lunch set $50至$60嘅價錢!🏮.🪄咖喱汁軟殼蟹漢堡 $55頂層一隻完整既天婦羅軟殼蟹，底層係一個圓形煎香左底面既飯團，咖喱汁係另外上，可以比你自己淋上去，原隻軟殼蟹已經好抵，仲要成個賣相都好精美。.🪄壽喜燒海鮮鍋 $55大鮮蝦、小賴尿蝦肉、青口、蔬菜、蜆肉、冬菇、溫泉蛋，米飯，材料都好豐富，而且壽喜燒醬汁好夠味，冇用水溝淡，令到所有食材都好入味！.🪄香煎帶子腸 $35菜式非常特別，一串三條，整到好似去野餐咁，係腸仔外型，但帶子嘅香味，口感彈牙，好盞鬼！.🪄芝麻蝦多士 $35超級鍾意❤️，多士面鋪滿晒白黑芝麻，芝麻好夠香，多士脆口，最正係佢啲蝦肉好足份量，咬落去先軟後脆，又唔會太油，咁嘅價錢好抵食！.🪄水蜜桃綠茶 $10 套餐加配價非常有誠意，凍飲係會將一個裝滿水蜜桃綠茶嘅玻璃壺，放喺冰水度，令佢凍，唔會直接加落啲茶入邊溝淡味道，加$10來講，真係超值，我叫左走糖，水蜜桃甜香都好夠，建議大家都走糖。.疫市下間間餐廳都面臨好大挑戰，覺得呢間餐廳推出咁抵
老實講呢排疫情咁勁，大家份工都難保，真係慳得一蚊得一蚊，儲下子彈，今日係天后食到一間CP值超高既日式餐廳，lunch set $50至$60嘅價錢!🏮
.
🪄咖喱汁軟殼蟹漢堡 $55
頂層一隻完整既天婦羅軟殼蟹，底層係一個圓形煎香左底面既飯團，咖喱汁係另外上，可以比你自己淋上去，原隻軟殼蟹已經好抵，仲要成個賣相都好精美。
.
🪄壽喜燒海鮮鍋 $55
大鮮蝦、小賴尿蝦肉、青口、蔬菜、蜆肉、冬菇、溫泉蛋，米飯，材料都好豐富，而且壽喜燒醬汁好夠味，冇用水溝淡，令到所有食材都好入味！
.
🪄香煎帶子腸 $35
菜式非常特別，一串三條，整到好似去野餐咁，係腸仔外型，但帶子嘅香味，口感彈牙，好盞鬼！
.
🪄芝麻蝦多士 $35
超級鍾意❤️，多士面鋪滿晒白黑芝麻，芝麻好夠香，多士脆口，最正係佢啲蝦肉好足份量，咬落去先軟後脆，又唔會太油，咁嘅價錢好抵食！
.
🪄水蜜桃綠茶 $10 套餐加配價
非常有誠意，凍飲係會將一個裝滿水蜜桃綠茶嘅玻璃壺，放喺冰水度，令佢凍，唔會直接加落啲茶入邊溝淡味道，加$10來講，真係超值，我叫左走糖，水蜜桃甜香都好夠，建議大家都走糖。
.
疫市下間間餐廳都面臨好大挑戰，覺得呢間餐廳推出咁抵嘅套餐，俾大家用一個合理嘅價錢，食到有誠意嘅食物，希望大家多多支持呢啲餐廳。
張貼
