愛上米線 (漆咸道南) (已結業)

今日下午茶黎到一個月總會食一次的愛上米線🍜依家除咗米線之外仲有炸雞及唔同嘅小食呀！最正就係仲有啤酒提供‼️下次放假要黎Round Happy Hour先！自選米線蕃茄麻辣湯微辣配魚柳及豬潤呢個微辣都幾辣下加入蕃茄令湯底酸酸辣辣、配料厚切魚柳完全無骨食得好放心！蟲草花胡椒杞子雞肉湯米線養生米線之一呢度既湯底清甜，加入蟲草花及枸杞既滋補又養生！雞肉大大件食落啖啖肉！小食炸雞翼雞翼炸到外脆內軟，雞肉好明顯有醃製過而且無雪味！唔錯！胡麻爽甜秋葵涼拌秋葵爽口加入胡麻醬味道十分開胃！一齊嚟一串魚腐包括有冬陰功、櫻花蝦及粟米口味！魚腐新鮮炸起熱辣辣，我個人比較鍾意粟米口味魚味突出！