豪隍點心工房 (已搬遷) 新店位置

《 點心癮起🥠》繼上次飲茶都有幾個月時間，突然又想飲杯茶🫖，傾個偈💬，食件點心🧆。🦐蝦餃拼粉果 $34雙拼來講價錢都算公道，一次過滿足兩個願望。粉果皮薄，內餡有滿滿嘅花生，十分足料。蝦餃蝦仁大大隻，肉質爽口彈牙。🥢蜜汁叉燒腸 $28叉燒腸都唔錯，腸粉皮唔會太厚，叉燒嘅分量亦夠大方，腸粉皮包蔥花一齊蒸，入口有淡淡嘅蔥花香，配甜豉油一流。🥟菜肉雲吞 $25菜肉雲吞夠紮實，件頭又大，菜肉餡嘅比例好平均，配餐廳秘製嘅辣豉油，有辣香但唔會辣而且味道偏甜，中和菜肉雲吞嘅鹹味。🍯墨西哥叉燒包 $25墨西哥包就正正常常啦，墨西哥脆皮甜度適中，包叉燒餡足料，叉燒醬配麵包的確唔錯。