影片
更多
2020-12-28
83 瀏覽
《 趣 味 悉 尼 》碌 IG 見到人地打卡哩間餐廳，餐廳佈置又幾得意就去試下啦。🔹悉尼小食拼盤 $138拼盤由四款小食組成：蝦多士、蜜糖雞翼、芝士雞柳同一口芝士，另外佐醬有沙律醬同藍莓果醬。個人最喜歡係一口芝士，芝士口感綿密，點左果醬後酸酸甜甜。蝦多士都唔錯，加果醬一齊食好有趣，甜甜鹹鹹，可惜蝦多士有少少燶而且蝦蓉較散，令口感扣分。芝士雞柳熱辣辣啖啖肉。相反蜜糖雞翼就失分，雞翼香脆多汁，但蜜糖味偏甜同雞翼味唔太夾。🔹F餐 西西里燉豬髀仔配法包 $228豬脾仔幾夠咬口，腌得好夠味，黑椒汁偏重，配豬仔脾幾夾。豬仔脾仲有啲薯蓉襯底，仲有香脆嘅牛油法包，點汁食，或配豬仔脾肉食都好好食～🔹低糖濃朱古力慕絲 F餐加 $25朱古力味道香濃，慕絲入口順滑幾好食！餐廳裝修趣怪而且味道唔錯冇乜伏位，值得一試。👍🏻
碌 IG 見到人地打卡哩間餐廳，餐廳佈置又幾得意就去試下啦。
🔹悉尼小食拼盤 $138
拼盤由四款小食組成：蝦多士、蜜糖雞翼、芝士雞柳同一口芝士，另外佐醬有沙律醬同藍莓果醬。個人最喜歡係一口芝士，芝士口感綿密，點左果醬後酸酸甜甜。蝦多士都唔錯，加果醬一齊食好有趣，甜甜鹹鹹，可惜蝦多士有少少燶而且蝦蓉較散，令口感扣分。芝士雞柳熱辣辣啖啖肉。相反蜜糖雞翼就失分，雞翼香脆多汁，但蜜糖味偏甜同雞翼味唔太夾。
🔹F餐 西西里燉豬髀仔配法包 $228
豬脾仔幾夠咬口，腌得好夠味，黑椒汁偏重，配豬仔脾幾夾。豬仔脾仲有啲薯蓉襯底，仲有香脆嘅牛油法包，點汁食，或配豬仔脾肉食都好好食～
🔹低糖濃朱古力慕絲 F餐加 $25
朱古力味道香濃，慕絲入口順滑幾好食！
餐廳裝修趣怪而且味道唔錯冇乜伏位，值得一試。👍🏻
張貼
