囍公館 (已結業)

《 獎勵自己一下 》生活有時會令我地有啲洩氣，有啲人會去做運動，而我會去食餐好～🥐 黑金雪山包 $78上枱時賣相已經好吸引啦，麵包外面撒上糖霜係中式包點較為少見，因此入口帶糖霜甜味幾有驚喜。餡料照舊以蜜汁豬肉，鹹甜度適中，奈何餡料偏少，唔太夠喉。🥘 大廚炒飯 $198大廚果然夠功力，炒飯粒粒分明但醬油香氣，鑊氣十足。炒飯又以蝦子帶子佢搭配，為炒飯增添鮮味同口感。🍲 鮮無花果咕嚕肉 $188咕嚕肉就略嫌失色少少，咕嚕肉脆度不太夠，配菜菠蘿味亦較淡，可能口味嘅關係對以無花果做醬汁嘅咕嚕肉食唔太慣。雖然呢間餐廳呢價錢係比較高，但個人認為雪山包同炒飯就已經值回票價。