對滑蛋叉燒情有獨鍾，鐘意到可以日日都食滑蛋叉燒飯添呀！
見有人話光榮嘅滑蛋叉燒飯好正喎，我心諗：「唔係掛⋯光榮嘅嘢大部份都係伏黎，話OK 啲人平時食開咩架⋯」
抱住試伏嘅心態去到光榮到試滑蛋叉燒飯。咦，點知又真係幾得喎。蛋無過熟之餘仲要係滑蛋，用黎撈飯一流👏
叉燒雖然瘦肉偏多但口感唔會嚡，配上滑蛋帶出叉燒蜜汁甜味。而豉油汁相信係最吸引人嘅地方，一個好嘅豉油汁其實唔易，鹹同甜嘅比例要拿捏得好好。而今次食到嘅豉油汁就合格啦，甜味可以帶出叉燒嘅蜜味，鹹味可以為滑蛋調味，為滑蛋叉燒飯加分不少！
總括黎講，雖然飯量偏少，但光榮嘅滑蛋叉燒飯都值得一試。但其他野試唔試好就⋯⋯你諗你啦～😥
1
