喱度又有特式牆又有霓虹燈牌 呃like無得彈
加上有十幾種味嘅雞翼俾你揀 有濕有乾 有特別味有common味 任君選擇🤩
除咗雞翼仲有小食、手工啤、特式雞wrap，甚至雞煲
自問雞翼黑洞嘅你 仲可以嚟個2小時雞翼放題 任食雞翼、小食、wrap同特選配菜添😏
懲罰報告 GO🤓
.
🍴Netflic and Chill Sharing Platters HKD$ 268
套餐包咗三款雞翼（每款6隻 total 18隻）同一個配菜，比起單點大概平 $20-$30
COUPLE 或者3個女仔分就啱啱好喇 有唔同味亦都唔怕食厭
店員仲貼心地準備好曬刀叉、手套、乾濕紙巾同骨盤🥰
想優雅地食又得 想豪邁地食又得 得咗😼
所有雞翼都係即叫即整 熱辣辣上枱yumyumyum
以下就逐樣講下先👇🏻
a) 水牛城醬雞翼 （濕）
簡直係近期大熱！少少辣加上酸酸地嘅口感好惹味
雞翼表面滿滿嘅醬汁令到每啖都幾濃味
不過淡口味朋友就要諗清楚喇
1
b) 黑芝麻海鮮蜂蜜雞翼 （濕）
推介！推介！推介！✨
你一定諗唔到原來海鮮醬=甜醬 係可以同雞翼咁夾咖🤤
味道非常特別甜甜哋 又似叉燒醬又似北京填鴨咁
外面好少有 真係一試無妨 絕對衝擊到你🥳
1
c) 黑椒檸檬雞翼（乾）
檸檬汁清新消膩 食完即刻可以食多幾隻
但檸檬嘅酸味太搶令黑椒味相對較淡 變咗似檸檬汁炸雞翼🍋
雞翼表皮香脆 入面嘅肉質都仍然juicy唔會好柴
d) 烤蒜龍蒿大啡菇
大啡菇total有2隻 一人一隻唔使爭
菇嘅表面除咗有啲脆蒜 仲有啲碎菇 口感V. Good
一咬落去啲汁咇曬出嚟 哇真係超爽呀！！！係幸福嘅味道😻
建議切一半 一啖食 JENG🙊
ps. 用 EATIGO app 訂位仲有折添呀！最多可以有半價㗎！快啲down啦
.
推薦度：8/10
