吉野家 (粉嶺名都商場)

營業中

休息中

哩晚突然興致高昂想食火鍋，但係附近任食火鍋都排滿晒人，唯有去吉野家打一人邊爐，平平哋食餐就算。吉野家哩期有新搞作，推出咗芝士雞鍋，一於試試佢。芝士雞鍋有好濃稠嘅芝士，但雞塊數量就真係少咗啲，唯有比多啲錢加配料。講返個邊爐先，其實煲咗無耐下面啲芝士已經有小小癡底，但都算冇影響倒味道。加入烏冬，變成芝士烏冬，無得輸～但係食到最尾真係都幾滯。再嚟就係清湯底，配料有豆腐、娃娃菜、冬菇同幾塊魚腐咁，另外加肥牛，普普通通無甚特別。而哩一個呢就揀咗米粉，提提大家火粉好快就"lum"，放入去一陣就可以撈出嚟。對於快餐店嚟講，個邊爐都已經算係咁，比得咁嘅價錢都冇得挑剔。