小甜谷 Dessert Kaffee (已結業)

小甜谷由大坑起家，而家已經唔止糖水甜品咁簡單。喺15年9月尾開幕嘅謝婓道分店仲有埋精緻西餐，連炸雞都有得食！餐廳嘅白色插畫主題佈置得少女得嚟帶點夢幻，勁岩少女嚟Check in 😛。由於我哋過咗十一點去已經無哂西餐食，試咗：🌟宇治焙茶芭菲🌟（左）及🌟宇治抹茶芭菲🌟 （右）（$58）自從喺日本宇治試過煎茶🍶嘅甜品後，愛上佢比抹茶更濃嘅茶香同少許茶澀味，多咗一份充滿歷練嘅感覺。喺香港都會成日encore ，呢度都無令我失望！煎茶雪糕奶滑得嚟茶味香濃，朋友講笑話好似食緊普洱雪糕😹🤔 。不過略嫌中間嘅紅豆太甜，令人好難食到落底😅 ，隨時Miss 咗底層嘅咖啡啫喱粒粒☕️！總括嚟環境食品價錢都好合理，一定會同frd子嚟多幾次試多啲。😗