喜來稀肉 (金巴利道)

營業中

休息中

喺尖東原本想食炸雞，但太多人排隊啦，於是就去咗食喜來稀肉子了~~~畢竟都好耐冇食過燒肉啦。雖然係晚市時間，但都唔洗等位，正!我哋一坐低就叫咗個豬嘅部位同牛嘅部位(個名好難記，大家請看圖吧)，然後就附送好多唔同嘅小菜，例如泡菜呀、醃菜呀等等，其中我最鍾意豆芽湯，就咁淡淡嘅豆芽味好簡單。首先要食咗個蛋先，一個係原味蛋，一個係落咗韓式辣醬嘅蛋，我就鍾意有辣醬嘅多d。然後我哋就用塊豬油抺咗下個鐵板，之後就放肉落去燒啦，注意注意，蒜頭喺隔離煎熱咗係好好味咖，而且相傳食燒肉配蒜頭會冇咁唔健康。而好creepy嘅事就係，兩碟肉係一齊嚟嘅，但我哋竟然食唔出邊碟係牛邊碟係豬….好似兩個都有牛味，有少少懷疑佢哋上錯咗比我哋。