影片
更多
2022-07-18
18 瀏覽
放工想同朋友舒舒服服咁坐低食晚餐，咁啱俾我搵到呢間喺觀塘地鐵站行過去5分鐘就到嘅工廈餐廳，唔知佢哋嘅食物質素係點呢？餐牌嘅選擇都幾多，無論前菜、小食、主菜、甜品同特色飲品都一應俱全，心思思想每樣都叫啲，所以最後叫咗一個沙律、小食、仲有兩碟main course 🤤《香煎美式蟹肉餅伴香梨田園沙律$88》首先叫返個沙律refresh一下，呢個沙律好特別，加入咗香梨，食落更加清爽🍐蟹餅入面超多蟹肉，仲有啲香草同埋洋蔥，味道好融洽，食得出蟹肉嘅鮮甜味🦀《香脆魷魚圈$68》魷魚圈即叫即炸，口感特別香脆可口，最欣賞佢嘅魷魚圈一啲都唔韌， keep到魷魚彈牙嘅口感，令人一個接一個咁食，話咁快就K.O.晒成碟😋《黑松露牛肝菌意大利飯$128》黑松露控嘅我一定要試吓呢個意大利飯，意大利飯粒粒分明，而且黑松露嘅香氣撲鼻，食得出大廚花咗好多心機同時間烹調呢個意大利飯，抵讚！👍🏻👍🏻《三文魚子墨魚野菌墨魚汁意粉$148》意粉口感適中帶點嚼勁，墨魚汁好濃好惹味，仲有墨魚同野菌提升咗成碟意粉嘅口感，誠意十足😍雖然只係試咗我以上嘅食物，但已經食得出餐廳非常用心去設計同烹調食物，重點係如此高質素但價錢十分合理，絕對會
餐牌嘅選擇都幾多，無論前菜、小食、主菜、甜品同特色飲品都一應俱全，心思思想每樣都叫啲，所以最後叫咗一個沙律、小食、仲有兩碟main course 🤤
《香煎美式蟹肉餅伴香梨田園沙律$88》首先叫返個沙律refresh一下，呢個沙律好特別，加入咗香梨，食落更加清爽🍐蟹餅入面超多蟹肉，仲有啲香草同埋洋蔥，味道好融洽，食得出蟹肉嘅鮮甜味🦀
《香脆魷魚圈$68》魷魚圈即叫即炸，口感特別香脆可口，最欣賞佢嘅魷魚圈一啲都唔韌， keep到魷魚彈牙嘅口感，令人一個接一個咁食，話咁快就K.O.晒成碟😋
《黑松露牛肝菌意大利飯$128》黑松露控嘅我一定要試吓呢個意大利飯，意大利飯粒粒分明，而且黑松露嘅香氣撲鼻，食得出大廚花咗好多心機同時間烹調呢個意大利飯，抵讚！👍🏻👍🏻
《三文魚子墨魚野菌墨魚汁意粉$148》意粉口感適中帶點嚼勁，墨魚汁好濃好惹味，仲有墨魚同野菌提升咗成碟意粉嘅口感，誠意十足😍
雖然只係試咗我以上嘅食物，但已經食得出餐廳非常用心去設計同烹調食物，重點係如此高質素但價錢十分合理，絕對會再嚟試試其他食物🤩🤩
張貼
