啤啤Bear韓國包車 (已結業)

今晚黎食韓國餐廳，上網見呢度裝修擺設玩味十足，一於一試！芝士鐵板泡菜炒五花肉真係用鐵板上，等d芝士融左就有拉絲效果但記住要撈下，融左就要熄火如果唔係就會痴底！份量十足，唔會話好辣，但非常惹味，岩哂香港人既口味五花肉厚薄適中，而且唔會話好油！蕃茄韓式辣海鮮湯 配 中華麵同樣係以大鍋上，一路食一路煮，可以令到湯底更加濃郁，而且都保持到溫度配上蕃茄令到湯底帶點甜味，甜辣既味道好特別，海鮮有青口，蝦，蜆，八爪魚🐙等，份量十足，亦令湯底更有鮮味！泡菜海鮮煎餅呢度既煎餅係比較薄，但外脆內軟，酸辣的泡菜同魷魚為成個煎餅帶來豐富口感飲品叫左甜米露同粒粒葡萄汁，除左呢d仲有唔同酒揀～選擇多！