上海喬家柵飯店 (已結業)

每次經過哩間上海菜館都會比佢出面上海包點嘅圖吸引住，今日夜晚經過終於再忍唔住行咗入去，但係可惜，d包點原來一早賣晒…我想食生煎包呀!!!不過算啦，下次再嚟啦。我哋叫咗兩個冷盤，粉皮海蜇同肴肉，另外再叫多咗個炒飯。粉皮海蜇，夾雜住青瓜，兩個字，好味!!!配埋花生醬，又爽又滑，胃口大開!!!肴肉相比起粉皮海蜇就冇咁好味啦，因為個肴肉好濕，唔知係咪解凍得唔好，總係覺得有d奇奇怪怪，心理上接受唔倒咁。最後就係個炒飯，個炒飯都無甚特別，唔夠乾身味道亦唔十分突出。