影片
更多
2025-08-22
0 瀏覽
《沙田18中菜廳｜粵饌巧手演繹初夏佳餚》🍽️🌿.由行政中餐總廚何振雄師傅💁🏻♂️親自主理沙田凱悅酒店中菜廳沙田 18✨全新夏日佳餚✴️優質時令食材揉合創意與地道風味，展現出師傅對食材與火候之極致講究🔥.🔹紫蘇花螺栗子燜鮮雞（$378） 🌿🐚🐔何師傅嚴選肉質緊緻嘅文昌雞，雞皮燜至金黃透亮，咬落去滿滿膠質！花螺嘅鮮味徹底融入濃稠湯汁，最驚喜係燜到起沙嘅栗子，香甜又綿密！入口先有辛香嘅紫蘇香氣，跟住係豐腴雞油，最後以鹹鮮海鮮收尾，夏天食零油膩感，特別開胃😋🔹魚湯脆米大黃魚（$438） 🐟🍚🔥現場澆湯嗰陣「滋」一聲真係好吸晴！脆米炸至金黃香脆，浸落奶白色魚湯十秒都仲保持到脆度。大黃魚先煎後燜嘅功夫了得，魚皮仲帶微微焦脆，魚肉嫩滑無比，蘸埋用魚骨熬製嘅濃湯，鮮味十足！最過癮係脆米吸飽湯汁後外脆內軟嘅雙重口感👑🔹生炸香脆乳鴿（$138） 🐦🔥撕開鴿腿嗰陣肉汁充盈，原來師傅用咗「鹽滷風乾三部曲」——先將八角桂皮等香料炒香，再幫乳鴿做全身鹽SPA，靜置醃製，之後經風乾處理。所以乳鴿外皮香脆，鴿胸肉依然香滑唔柴口，蘸少許檸檬或准鹽更能引出鴿味，骨頭食落都有滷香添啊💯🔹虎門膏蟹蒸肉餅（$568） 🦀🐖肥膏蟹嘅
.
由行政中餐總廚何振雄師傅💁🏻♂️親自主理沙田凱悅酒店中菜廳沙田 18✨全新夏日佳餚✴️優質時令食材揉合創意與地道風味，展現出師傅對食材與火候之極致講究🔥
.
🔹紫蘇花螺栗子燜鮮雞（$378） 🌿🐚🐔
何師傅嚴選肉質緊緻嘅文昌雞，雞皮燜至金黃透亮，咬落去滿滿膠質！花螺嘅鮮味徹底融入濃稠湯汁，最驚喜係燜到起沙嘅栗子，香甜又綿密！入口先有辛香嘅紫蘇香氣，跟住係豐腴雞油，最後以鹹鮮海鮮收尾，夏天食零油膩感，特別開胃😋
🔹魚湯脆米大黃魚（$438） 🐟🍚🔥
現場澆湯嗰陣「滋」一聲真係好吸晴！脆米炸至金黃香脆，浸落奶白色魚湯十秒都仲保持到脆度。大黃魚先煎後燜嘅功夫了得，魚皮仲帶微微焦脆，魚肉嫩滑無比，蘸埋用魚骨熬製嘅濃湯，鮮味十足！最過癮係脆米吸飽湯汁後外脆內軟嘅雙重口感👑
🔹生炸香脆乳鴿（$138） 🐦🔥
撕開鴿腿嗰陣肉汁充盈，原來師傅用咗「鹽滷風乾三部曲」——先將八角桂皮等香料炒香，再幫乳鴿做全身鹽SPA，靜置醃製，之後經風乾處理。所以乳鴿外皮香脆，鴿胸肉依然香滑唔柴口，蘸少許檸檬或准鹽更能引出鴿味，骨頭食落都有滷香添啊💯
🔹虎門膏蟹蒸肉餅（$568） 🦀🐖
肥膏蟹嘅橙黃色完全滲透晒入肉餅，馬蹄粒嘅爽脆同紫蘇葉嘅幽香形成美妙對比。精妙在於肉餅用人手剁，咬落有明顯肉粒感，蟹膏嘅腥氣被老薑絲化解得乾乾淨淨，呢個配搭真係諗起都流口水🤤
🔹焗孜然羊肉酥粿（$78） 🐑🌶️
酥皮嘅層次多到數唔晒，咬落簌簌聲響超治癒！羊肉餡帶少少西域風情，最正係中間熱辣辣嘅肉汁，同酥皮嘅牛油香撞出火花❤️
🔹紫薯粟米眉豆素餃（$73） 🍠🌽
薄如蟬翼嘅素餃皮透出淡紫色，餡料有打得幼滑嘅眉豆茸、香甜粟米粒等，健康得嚟又夠精緻，素食朋友一定大愛🥟
🔹泉水菱角淮山蕃薯木耳煲菜薳（$258） 🌾💧
用泉水煲嘅湯底清甜得嚟有深度，菱角同淮山煲至粉糯，特別欣賞菜薳只取最嫩嘅菜心段，浸住湯汁食既爽甜又解膩，飲完成個胃都好舒服～
🔹玫瑰露叉燒豬油撈飯（$188/位） 🌹🐷🍚
預訂先有嘅隱藏版！米飯撈勻豬油後，鋪滿蜜汁叉燒粒同脆豬油渣，最吸引一定係淋咗陳年玫瑰露，撈勻時酒香混合飯焦香，邪惡度爆燈！叉燒用咗半肥瘦梅頭，黐住飯粒嘅蜜糖同豬油形成黃金比例，忍唔住食哂成碗，真係邪惡得過份... 😱
🔹甜品三重奏 🍨
▫️金桔麻糬波：外皮煙韌Q彈，金桔、紅棗甘甜交織，層次豐富，尾韻仲有陣幽幽柑香
▫️五糧液朱古力雪糕：黑朱古力配五糧液，微苦又回甘，真係好出色
▫️花雕話梅雪葩：花雕酒香餘韻悠長，話梅雪葩酸勁醒胃，完美作結
總評：今次夏日菜單將傳統粵菜玩出新意境，時令食材配搭大膽卻唔會喧賓奪主，絕對值得專程入沙田朝聖👍🏻👍🏻記得預留肚仔試甜品😬
.
沙田18 ✨
📍香港沙田澤祥街18號沙田凱悅酒店4樓
張貼
