初芋 (已結業)

旺角兆萬中心對面甜品店 「初芋」，經常好多人排隊。初芋主打七彩芋圓，而且搶眼度十足，甜品店嘅裝潢以淺紫色為主調，夢幻少女心💞風格，粉色甜品非常適合打卡📸。💜初芋採用全天然原材料配製果汁及芋泥，藍色芋圓採用碟豆花配製而成，無添加令你更放心食落肚。冬天一定食火鍋🥘，今次點了 #重量級暖笠笠火窩，非常適合而家咁凍嘅天氣，食完即時感覺暖笠笠！2️⃣人份量嘅重量級暖笠笠火窩 $118，用料及份量十足，有六色鮮果甜心口味嘅芋圓，有士多啤梨🍓、香橙🍊、荔枝、柚子、檸檬🍋、蜜瓜🍈、藍莓🫐，果味十足且口感豐富。🔟款配料有: 紅豆、紫糯米、桃膠、椰果、蘆薈、桂圓、寒天、水晶凍粉、芋泥、西米，再加入椰汁初芋露 ，非常滋潤！紅莓谷🍓 $98 (必食推介)紅莓谷似迷你小火山🌋，牛奶冰沙配牛奶布丁、內有乾坤: 士多啤梨味嘅寒天、士多啤梨雪糕，冰沙好綿密，打咭一流📸。麻糬波波4️⃣重奏🍡 $58四色麻糬嘅味道有士多啤梨、提子味、柚子味、抹茶味，麻糬軟糯，多種口感，加入香脆嘅四色碎餅，配搭新穎，瞬間吸引注視目光😍。#玫瑰荔枝鮮奶茶🍹 $38點綴了玫瑰花瓣🌹增添香氣及，飲到粉紅色寒天珠珠增添口感，鮮奶有淡淡荔枝味道，唔會太甜！