軒寧樓 (已結業)

今日去試呢間係銅鑼灣新開既中菜館，餐廳空間感十足，好闊落，而且座位舒適，門面光猛。有別於傳統中菜館，軒寧樓冇左浸leung 味，佢既枱係雲石蚊枱，櫈好西化，仲要係粉紅色添！餐廳有好多set 餐，二人餐/set lunch都抵食，岩晒有選擇困難症既客人，不過今日我地人少少，就散叫小菜試下。🔹竹笙琵琶豆腐🔹芡汁好香，口感豐富，豆腐混入蝦泥再炸至鬆軟，口感綿密。配菜既竹笙包住菜心食落口好盞鬼，兩者一個脆一個爽口。🔹燕麥金沙蝦球🔹童叟無欺，大大粒蝦肉非常飽滿，炸得好香脆，蝦球爽口彈牙，加埋香酥鹹蛋黃外層，好惹味啊！🔹乾炒牛河🔹乾炒牛河發揮正常，河粉乾身唔油，牛肉大大塊份量多，特別要講店員好醒目，上菜時已經比埋靈魂辣椒醬。🔹雙皮奶🔹甜品就食雙皮奶，雙皮奶好滑同奶味香濃，而且好大碗。