今次搵到灣仔呢間小店
餐廳主打唔同口味嘅咖啡
店主對食物質數好有要求
品嚐到用心製作嘅味道同質數
返工前...買杯一於醒一醒就最啱喇
仲有唔同菜式同甜品選擇
部份仲混合咗星馬嘅Fusion口味
✨芝士巴東牛肉墨西哥夾餅
巴東牛肉帶有辣度而且味道濃郁
加上芝士同有口感嘅墨西哥餅皮
夾住一齊食，口感相當豐富
另外仲有兩款醬汁，
其中有餐廳自己家製嘅蒜蓉辣醬
沾少少已非常惹味
✨喇沙意大利粉
喇沙湯麵食得多，
第一次配上意大利粉
估唔到味道咁夾
辣辣地好刺激，大大碗好有份量
✨鮮橙啡
本身唔係四圍都有
就算有又未必沖調得好飲
呢度係我飲過覺得最正
因為用無添加新鮮橙汁，
加入黑啡味道亦唔會被搶走
比例控制恰好，仲有原片鮮橙同薄荷葉
賣相同味道一流
✨話梅鮮橙汁
鮮橙汁裡面加入原粒話梅，仲有粒粒話梅肉
飲起嚟不會單調，
酸酸甜甜幾特別
店主好有心思，連樽仔嘅標籤都印上要醒嘅燈泡
✨芒果椰汁奇亞籽杯
芒果椰汁，除咗配西米露之外
原來配奇亞籽仲好味
口感更豐富更健康
下次一定要試生酮卷
