影片
更多
2022-01-20
35 瀏覽
9 0 後 的 味 蕾九龍城有Omakase食啦！呢間Omakase最大嘅特點係好多道菜，一食可以食三個鐘，慢慢享受。晚市有三個套餐，我哋揀咗「SHUU 秀」，只需要人頭$1280 ，就可以享受到18道菜。.加上呢間餐廳新開，設計非常現代化，以淺木系為主調，一個L字型嘅長吧台設計，所以全程望住師傅炮製美食，每個位之間座位都非常闊落。.🪄鱈魚白子 其實係魚類睪丸，煮到暖暖地，creamy口感，加上蘭王蛋黃醬、法國煙燻鹽、日本幼蔥，食到啲粗鹽粒嘅鹹味，唔會腥.🪄蟹肉蟹膏杯將蟹鉗既肉拆肉，唔係一絲絲，真係一嚿嚿，撈入蟹膏同自家製啫喱，酸酸地，咬落去彈牙，好開胃。.🪄生蠔🦪用左日本生蠔，蠔外形係尖少少，口感Creamy ，無乜金屬味，食完口腔徘徊奶油口感，加上蕃茄味蘿蔔蓉，中和左海水味.🪄火炙拖羅選用熟成14日既拖羅，再用火槍爆油，配搭芥末籽，拖羅軟綿、無乜根、啲油多到碟底都有 ，最正係佢跟咗啲芥末籽，但又唔會辣，啱啱中和油脂嘅肥膩感。.🪄煙燻拖羅青魚 配搭自家製洋蔥，洋蔥去左腥味 ，口感好正，淋得來咬落去有啲漿住嘅感覺。.🪄南非機主鮑魚 用醬汁加海苔慢火炆煮3小時，加生淑葉，肉質柔嫩、但係咬
九龍城有Omakase食啦！呢間Omakase最大嘅特點係好多道菜，一食可以食三個鐘，慢慢享受。晚市有三個套餐，我哋揀咗「SHUU 秀」，只需要人頭$1280 ，就可以享受到18道菜。
.
加上呢間餐廳新開，設計非常現代化，以淺木系為主調，一個L字型嘅長吧台設計，所以全程望住師傅炮製美食，每個位之間座位都非常闊落。
.
🪄鱈魚白子
其實係魚類睪丸，煮到暖暖地，creamy口感，加上蘭王蛋黃醬、法國煙燻鹽、日本幼蔥，食到啲粗鹽粒嘅鹹味，唔會腥
.
🪄蟹肉蟹膏杯
將蟹鉗既肉拆肉，唔係一絲絲，真係一嚿嚿，撈入蟹膏同自家製啫喱，酸酸地，咬落去彈牙，好開胃。
.
🪄生蠔🦪
用左日本生蠔，蠔外形係尖少少，口感Creamy ，無乜金屬味，食完口腔徘徊奶油口感，加上蕃茄味蘿蔔蓉，中和左海水味
.
🪄火炙拖羅
選用熟成14日既拖羅，再用火槍爆油，配搭芥末籽，拖羅軟綿、無乜根、啲油多到碟底都有 ，最正係佢跟咗啲芥末籽，但又唔會辣，啱啱中和油脂嘅肥膩感。
.
🪄煙燻拖羅青魚
配搭自家製洋蔥，洋蔥去左腥味 ，口感好正，淋得來咬落去有啲漿住嘅感覺。
.
🪄南非機主鮑魚
用醬汁加海苔慢火炆煮3小時，加生淑葉，肉質柔嫩、但係咬落去又有彈性，好好味😋
.
🪄甘鯛（馬頭魚 ）
連埋魚鱗 一齊炸，炸到鱗片豎起晒，好似花咁 ，混上香草汁底，炸到卜卜脆，一咬落去又好鬆，唔會戒口，肉質好滑，好少地方有得食，印象好深刻。
.
🪄黑松露野菌蒸蛋
蛋滑到一筆起就瀡返落去，餐廳一啲都唔吝嗇，啲黑松露醬分量超多成個蛋好香，呢個整得好好👍🏻
.
🪄昆布漬柚子壽司
海鹽、帆立貝、柚子味好出、帆立貝質感軟綿 鮮
.
🪄青魚壽司
用蒜油迫啲魚嘅油脂出嚟，加上自家製蔥醬、鯖魚口感滑。
.
🪄魷魚壽司
金蟹子、明太子醬、七彩芝麻、魷魚 🦑 ，七彩芝麻味道好出好香，魷魚一咬即斷，好新鮮
.
🪄牡丹蝦壽司
牡丹蝦上面有蟹膏，蟹膏份量非常少，但味道係超級濃郁，牡丹蝦漿力強
.
🪄煙燻黑鱸魚配魚子醬
成個煙燻過程係可以親眼見證，焗左大概10分鐘，煙燻味好濃郁。
.
🪄北海道馬糞海膽
呢款馬糞偏腥少少、味道比較重啲，撒上鹽味昆布吊味
.
🪄吞拿魚蓉手卷
.
🪄焦糖玉子燒
面頭撒上糖再用火槍燒，外型口感都好似蛋糕
.
🪄愛侶魚湯
魚湯味濃郁但唔咸唔腥，而且每一碗都有一個好大嘅魚肉，魚肉勁滑
.
🪄甜品
喺哈密瓜，同埋剝咗皮嘅青提，兩樣都好甜
.
整體而言，食材都非常新鮮，同埋有幾道菜係signature，$1200食到18道菜好抵！如果真係想食記得提早啲book枱，咁就唔使摸門釘啦！
張貼
