翔壽司 (已結業)

餐廳裝潢有日本格調，中間有sushi bar，可以望住廚師點樣整，Omakase 廚師發板你食過未先❤️❤️當自己去左旅行🧳刺身四點，有飛魚，間八魚，象拔蚌同埋吞拿魚腩伴紫菜，象拔蚌刺身口感爽脆，最欣賞紫菜是脆的，吞拿魚腩既魚油脂香配上蔥花香，再以紫菜飯捲包住，真係回味無窮🤪壽司有7樣，白蝦，活北寄貝，北海道海膽，蜜柑鯛，沙甸魚，火炙吞拿魚面頰肉🤪每樣都好新鮮，好鮮甜👅蜜柑鯛本身呢隻魚有清香嘅蜜柑味，第一次食就愛上咗啦❤️ 火炙吞拿魚面頰肉係我最鍾意食嘅，用火槍燒過嘅吞拿魚面頰肉魚香特別出眾😚仲有不可不提嘅北海道海膽壽司🍣海膽味非常鮮甜，好掛住日本🔸最後仲有個手卷，蔥吞拿魚腩蓉手卷，呢個簡直係重頭戲，大量既蔥吞拿魚腩蓉，一咬落去咇殺出嚟，入口即溶既口感，一淡咬落去，蔥味配合埋吞拿魚既香味，令人停唔到口，滿滿既幸福感❤️面豉湯唔會好咸，味道偏清淡，岩哂我，飲完唔會好涸喉😚😚