影片
更多
2022-07-19
1314 瀏覽
《山頂球迷世界⚽️》———————————————-#Lockeroom 🇬🇧-早排同男朋友去咗山頂拍拖，專登帶佢嚟呢間以足球為主題嘅餐廳，超有特色❤️ 設計方面上落重本，排咗好多不同球星嘅簽名波衫、球會徽章、波鞋、獎杯等等🏆 簡直就好似足球博物館一樣 🥅-作為球迷嘅男朋友一入去就一枝箭咁衝咗去， 坐咗葉鴻輝親筆簽名張凳，而我就坐咗喺佢對面嘅後備席冷板凳，但個位又坐得幾舒服喎😂 -🤤 薯餅拼盤一碟有成五款，包括忌廉蟹肉、紫芋栗子、南瓜、特濃芝士同和牛肉，炸得非常酥脆，內餡亦十分足料，特別鍾意芝士味，一咬落去即刻有爆漿嘅感覺🧀-🍍 台灣鳳梨冰島蝦堡呢款蝦堡十分驚喜，炸蝦餅大大塊好彈牙，入邊真係食得出蝦肉，菠蘿片酸酸甜甜咁幾開胃，加埋啲沙律醬一齊食超正😚-🍝 卡邦尼蟹膏溫泉蛋意大利扁麵扁麵軟硬度適中，每條扁麵都沾滿醬汁，吉穿邪惡溫泉令口感更加creamy😙-餐廳仲要係寵物friendly，見到有唔少人都帶着佢嘅pet pet嚟到山頂行吓，嚟呢間餐食嘢就啱晒啦🐶-食完嘢仲可以喺門口玩下佢嗰部懷舊嘅足球街機，都幾得意幾好玩😙-⭐️價錢參考：（另收加一）薯餅拼盤： $108台灣鳳梨冰島蝦堡： $138
———————————————-
#Lockeroom 🇬🇧
-
早排同男朋友去咗山頂拍拖，專登帶佢嚟呢間以足球為主題嘅餐廳，超有特色❤️ 設計方面上落重本，排咗好多不同球星嘅簽名波衫、球會徽章、波鞋、獎杯等等🏆 簡直就好似足球博物館一樣 🥅
-
作為球迷嘅男朋友一入去就一枝箭咁衝咗去， 坐咗葉鴻輝親筆簽名張凳，而我就坐咗喺佢對面嘅後備席冷板凳，但個位又坐得幾舒服喎😂
-
🤤 薯餅拼盤
一碟有成五款，包括忌廉蟹肉、紫芋栗子、南瓜、特濃芝士同和牛肉，炸得非常酥脆，內餡亦十分足料，特別鍾意芝士味，一咬落去即刻有爆漿嘅感覺🧀
-
🍍 台灣鳳梨冰島蝦堡
呢款蝦堡十分驚喜，炸蝦餅大大塊好彈牙，入邊真係食得出蝦肉，菠蘿片酸酸甜甜咁幾開胃，加埋啲沙律醬一齊食超正😚
-
🍝 卡邦尼蟹膏溫泉蛋意大利扁麵
扁麵軟硬度適中，每條扁麵都沾滿醬汁，吉穿邪惡溫泉令口感更加creamy😙
-
餐廳仲要係寵物friendly，見到有唔少人都帶着佢嘅pet pet嚟到山頂行吓，嚟呢間餐食嘢就啱晒啦🐶
-
食完嘢仲可以喺門口玩下佢嗰部懷舊嘅足球街機，都幾得意幾好玩😙
-
⭐️價錢參考：（另收加一）
薯餅拼盤： $108
台灣鳳梨冰島蝦堡： $138
卡邦尼蟹膏溫泉蛋意大利扁麵： $168
玫瑰荔枝紅茶： $40
🍌抵deal 指數：8/10
💰人均消費：$250
張貼
