赤本山 (已結業)

隨着將軍澳南近年來新型豪宅落成，為滿足附近居民嘅飲食需要，有唔少高級餐廳都選擇進駐將軍澳，令澳南漸漸發展成臥虎藏龍嘅美食之地。今次就同屋企人試左呢間喺SAVANNAH新開業冇幾耐就大獲好評嘅日本餐廳 「赤本山」，主打廚師發辦，亦有午市定食，無論係食物質素、環境或服務，都非常對得住個價錢！餐廳仲設有日式廂房可以預訂，私隱度非常好，好適合用嚟慶祝生日或週年紀念👍🏻晚市有「赤」、「本」、「山」三個價位嘅廚師發辦可以選擇，而我哋今次就試咗中等價位嘅「本」，包括先付、三款刺身、七款壽司、一款卷物、御料理、吸物、甜品，價錢為$1180一位。先付炸蝦餅 牛蒡漬 甜煮南瓜 日本番薯刺身小長井牡蠣配酸汁同橘子：新鮮生蠔搭配自家製獨特酸汁提鮮，味道鮮甜可口子持魷魚：將魷魚嘅內臟放進魷魚筒內汁燒又入味，魷魚爽口入味，內臟入口即化，口感層次豐富毛蟹海膽：蟹肉鮮美，海膽份量非常慷慨又新鮮，兩者融合瞬間，味道奢華御料理汁燒金目鯛魚頭：用咗新鮮嘅魚頭，師傅話今朝條魚仲游緊水，煮咗十幾個鐘之後，魚頭燉煮至入味，汁燒香氣撲鼻，肉質鮮嫩，骨膠原滿滿！壽司赤貝：來自韓國嘅赤貝，非常大隻爽口中拖羅：魚油脂恰到好處，非常甘香