榮哥煮場 (已結業)

聽講榮哥煮場拎過「環球廚神國際挑戰賽」，覺得質素應該有保證，結果食完之後…真係好有驚喜😆，我一定會返去再食！樽仔奶茶、咖啡（$2️⃣4️⃣）每次見到呢啲樽裝飲品都係鍾意叫！深色嗰杯係奶茶，好夠茶味，又唔會太甜。咖啡個杯奶味會比較重，啱晒我，因為我就係鍾意重奶味既野！酸菜魚淮山麵（$6️⃣8️⃣）呢個真係不得了！真係好好好好食，性價比超高！👍🏻真係冇諗過原來淮山麵同酸菜魚咁夾，麵索晒啲湯既味，我覺得比米線仲好食😋，真係要試吓淮山麵。佢酸菜同埋魚嘅分量好多！佢用嘅魚真係好新鮮😆，唔會一咬就散開，又唔會切到太薄而且好夠魚味，我諗都係十幾塊😳，真係超級抵食，而且仲好好食。花膠雞米線（$6️⃣8️⃣）花膠幾厚身，起碼有5、6塊，而且每一塊都唔算細😚。食落口唔會好淋，都幾有咬口。雞都有幾件，都算滑，就咁食都有味。佢呢個湯底就會比酸菜魚個湯底清，但係佢會有雞嘅鮮味，食完唔口乾，冇味精味，絕對可以飲晒成碗湯。手撕茄子（$3️⃣8️⃣）叫咗個茄子食，酸酸甜甜幾開胃，不過佢係熱食既。😌茄子用蒸嘅方法，然後再淋啲醬汁同埋蒜蓉上去，味道都唔錯。胡椒雙肚（$4️⃣8️⃣）所謂雙肚即係豬肚同埋魚肚，2樣都好脆。豬肚洗得好乾淨冇羶味，胡椒味濃但唔會過辣。