影片
更多
2022-10-30
32 瀏覽
位於西環（香港大學站旁）嘅TBC Cafe有唔少打卡位，由門口嘅一張大籐椅，以至內裡嘅籐椅及油畫，無論坐係度，或單純影食物相，都可以影到好有質感。餐廳內裡座位唔多，主要原因係每張枱及凳都擺放得較寬闊，坐落舒適，唔會焗束。餐廳食物價錢唔貴，主食都係百零蚊起。檸檬氣泡咖啡 ($58) & 椰子牛奶咖啡 ($58): 前者係朋友點嘅一杯加左檸檬汁及梳打水嘅咖啡，酸酸地又有氣泡，幾refreshing；後者其實就係椰子Latte，牛奶味較重，咖啡杯邊仲有粒粒椰子碎，幾香甜。娘惹喇沙老虎蝦扁意粉 ($138): 喇沙煮西式意粉比較少見，但其實醬汁濃郁，亦夠稠，幾香甜幾惹味，齋食意粉都不感單調，另外虎蝦都夠鮮甜。泰式辣肉碎炒螺絲粉配太陽蛋 ($108): 幾新穎嘅配搭，辣肉碎生菜包就食得多，配螺絲粉都係第一次食。辣肉碎微辣，具咸香，撈埋同螺絲粉食都幾有泰式風味，但就唔夠汁，乾身左少少，但刺穿太陽蛋後撈埋蛋汁一齊食都幾香。鮮芒果麻糬窩夫配椰子雪糕 ($68): 甜品賣相幾靚，除打卡外，味道都好好。窩夫加左麻糬，所以食落煙煙韌韌，口感Q彈，配椰子雪糕更為香甜，非常搭配，鮮芒果亦夠甜，唔酸。
餐廳內裡座位唔多，主要原因係每張枱及凳都擺放得較寬闊，坐落舒適，唔會焗束。餐廳食物價錢唔貴，主食都係百零蚊起。
檸檬氣泡咖啡 ($58) & 椰子牛奶咖啡 ($58): 前者係朋友點嘅一杯加左檸檬汁及梳打水嘅咖啡，酸酸地又有氣泡，幾refreshing；後者其實就係椰子Latte，牛奶味較重，咖啡杯邊仲有粒粒椰子碎，幾香甜。
娘惹喇沙老虎蝦扁意粉 ($138): 喇沙煮西式意粉比較少見，但其實醬汁濃郁，亦夠稠，幾香甜幾惹味，齋食意粉都不感單調，另外虎蝦都夠鮮甜。
泰式辣肉碎炒螺絲粉配太陽蛋 ($108): 幾新穎嘅配搭，辣肉碎生菜包就食得多，配螺絲粉都係第一次食。辣肉碎微辣，具咸香，撈埋同螺絲粉食都幾有泰式風味，但就唔夠汁，乾身左少少，但刺穿太陽蛋後撈埋蛋汁一齊食都幾香。
鮮芒果麻糬窩夫配椰子雪糕 ($68): 甜品賣相幾靚，除打卡外，味道都好好。窩夫加左麻糬，所以食落煙煙韌韌，口感Q彈，配椰子雪糕更為香甜，非常搭配，鮮芒果亦夠甜，唔酸。
張貼
