影片
更多
2019-01-12
448 瀏覽
今年好似不約而同開咗好多呢類型嘅新派fusion菜, 佢哋嘅裝修好有特色之餘, 食物都明顯落咗不少心思！當然出到嚟嘅食物好唔好食見仁見智，但係真係創意爆燈。今次我同朋友食的呢一間叫做夜梟fusion菜餐廳，裝修都幾靚同埋有氣氛，有啲貓頭鷹嘅圖案和燈飾在陰暗嘅燈光下嘅又不失氣派，以紅橙為主調，食飯嘅情調就一流。食物方面我哋都見到好多大膽嘅fusion創新,好似小食我哋就點左龍蝦燒賣($98)，一籠得四粒都唔算平，不過見到每粒燒賣上面有個蟹鉗，佢似係將龍蝦起肉釀入燒賣入面就睇得出佢嘅矜貴。但係又比我想像中嘅無咁鮮甜喎，賣相就高分可惜味道就麻麻😔主菜我們點咗個妃子笑東坡$158（即係慢煮東坡肉配荔枝果凍），慢煮東坡肉真係第一次試，口感比我想像中嘅厚實，瘦肉較肥肉多，有別於一般入口即溶嘅東坡肉，比較紮實冇咁肥膩😝啱我最近減緊肥好似冇咁肥😂不過佢好搞笑上面有啲豆豉涼瓜同埋有啲泡做伴碟，真係藝術嘅嘢我識條鐵咩😅，我淨係覺得都幾靚，同埋佢嘅東坡肉幾好食，哈哈😂另外我哋點咗個慢煮叉燒鹹蛋意大利飯($158)，佢嘅慢煮叉燒好惹味，叉燒醬偏甜，慢煮能夠保持到肉汁同埋新鮮，朋友都一致話佢嘅叉燒好食😊👍咸蛋r
今年好似不約而同開咗好多呢類型嘅新派fusion菜, 佢哋嘅裝修好有特色之餘, 食物都明顯落咗不少心思！當然出到嚟嘅食物好唔好食見仁見智，但係真係創意爆燈。
今次我同朋友食的呢一間叫做夜梟fusion菜餐廳，裝修都幾靚同埋有氣氛，有啲貓頭鷹嘅圖案和燈飾在陰暗嘅燈光下嘅又不失氣派，以紅橙為主調，食飯嘅情調就一流。
食物方面我哋都見到好多大膽嘅fusion創新,好似小食我哋就點左龍蝦燒賣($98)，一籠得四粒都唔算平，不過見到每粒燒賣上面有個蟹鉗，佢似係將龍蝦起肉釀入燒賣入面就睇得出佢嘅矜貴。但係又比我想像中嘅無咁鮮甜喎，賣相就高分可惜味道就麻麻😔
龍蝦燒賣
$98
5 瀏覽
0 讚好
0 留言
主菜我們點咗個妃子笑東坡$158（即係慢煮東坡肉配荔枝果凍），慢煮東坡肉真係第一次試，口感比我想像中嘅厚實，瘦肉較肥肉多，有別於一般入口即溶嘅東坡肉，比較紮實冇咁肥膩😝啱我最近減緊肥好似冇咁肥😂不過佢好搞笑上面有啲豆豉涼瓜同埋有啲泡做伴碟，真係藝術嘅嘢我識條鐵咩😅，我淨係覺得都幾靚，同埋佢嘅東坡肉幾好食，哈哈😂
妃子笑東坡
$158
10 瀏覽
0 讚好
0 留言
9 瀏覽
0 讚好
0 留言
另外我哋點咗個慢煮叉燒鹹蛋意大利飯($158)，佢嘅慢煮叉燒好惹味，叉燒醬偏甜，慢煮能夠保持到肉汁同埋新鮮，朋友都一致話佢嘅叉燒好食😊👍咸蛋risotto方面就有少少失望，本身我預計佢嘅鹹蛋味好香，可惜鹹蛋味唔係太出。
慢煮叉燒咸蛋意大利飯
$158
10 瀏覽
0 讚好
0 留言
5 瀏覽
0 讚好
0 留言
最後我哋叫咗個煙肉忌廉汁刀削麵($108), 平時配意粉就食得多，刀削麵做西餐真係第一次， 而且有驚喜喎！佢的煙肉忌廉汁整得好香濃，全部掛晒落去又闊又粗嘅刀削麵上面，每一口都係好滋味😊不過食到後面因為佢索晒啲汁會越食越鹹😯
24 瀏覽
0 讚好
0 留言
煙肉忌廉汁刀削麵
$108
14 瀏覽
0 讚好
0 留言
依家越來越多呢類型嘅fusion餐廳, 如果做得好其實真係幾有驚喜同創意㗎！不過口味嘅嘢因人而異，要大膽創新就有機會俾人覺得味道唔夾，不過都要俾啲掌聲呢類型嘅餐廳👏👏👏因為我知道佢哋會不斷鑽研新嘅菜式，要殺出條血路真係一啲都唔易。
—————————————————
店名：夜梟
環境🏝：8/10
服務💁🏼♀️：7/10
價錢💰：6.7/10
食物質素🍝：7.5/10
整體🙆🏻♂️：7.5/10
地址:
尖沙咀金巴利道40號MW Plaza 3-5樓
張貼
