M Zone 親和藝術 (已結業)

其實今日都係想食burger ，不過都係排長龍，所以轉食呢間先,呢間餐廳似Cafe 但入到去望真啲應該係bar 係我鍾意嘅高樓底，好悠閒嘅感覺，門囗嘅馬路唔多車經過，坐窗邊少少太陽曬入嚟，不過冷氣就弱咗啲。餐湯配蒜蓉多士同沙律，多士有烘，脆脆地，湯唔係好夠熱。main course 我地就要咗手打牛肉芝士burger同蕃茄蝦煙肉意粉，上菜都有少少慢，如得1 hr lunch 就有少少趕，意粉嘅蝦好彈牙，個汁酸酸地都幾好，另一個burger都唔錯，牛嘅份量都幾多，不過無乜調味，中間除咗牛之外仲有青瓜 ，芝士同蕃茄，側邊嘅薯條啱啱炸起好好味。跟餐咖啡上碟好靚，好文青。埋單有囗罩套送，幾好，幾實用同貼心。