影片
更多
2025-06-26
72 瀏覽
香港地食單點嘅火鍋閒閒地都四五百蚊一個人，倒不如揀間有質嘅放題食，「牛站」提供埋無限追加美國SRF和牛都只係$308加一，加入埋會員仲平少少🤏🏼，食物質素又唔錯，連熟食如燒乳鴿都幾好食，性價比黎講係香港真係數一數二!湯底免費選一款，鴛鴦鍋另加$48，又想食麻辣但又想揀個鮮味嘅鍋灼菜及主食，唯有揀左招牌麻辣及花膠雞煲。前者可自選辣度，都算幾香；後者湯非常鮮味，仲有兩件花膠及雞髀肉。SRF和牛色澤紅潤，油花比例較高，質感幼滑而帶豐富油香。牛肉切得幾大塊，肉感豐富，牛味亦非常濃郁。封門柳呈深紅色，帶適量油花及筋位，肉味較濃郁，亦帶少許嚼勁，呢兩款肉係二號餐較出色嘅牛肉。數十款丸類及時蔬任君選擇，個人比較喜愛台式冰菜，口感脆嫩多汁，比較少火鍋店有售。熟食品質都幾高，尤其係招牌紅燒乳鴿，新鮮燒起，上菜時都仲係熱騰騰，其皮脆肉嫩，肉汁適中，調味都做得唔錯，唔會太重豉油味。甜食紅糖糍粑好味，又係新鮮炸起，外皮香脆，內裡軟糯綿密，咬下去即溢出香甜紅糖。連甜品都有數十款，認真誇張，Haagen Dazs、Movenpick雪糕、Kitkat雪糕雪條都係無限食……
湯底免費選一款，鴛鴦鍋另加$48，又想食麻辣但又想揀個鮮味嘅鍋灼菜及主食，唯有揀左招牌麻辣及花膠雞煲。前者可自選辣度，都算幾香；後者湯非常鮮味，仲有兩件花膠及雞髀肉。
SRF和牛色澤紅潤，油花比例較高，質感幼滑而帶豐富油香。牛肉切得幾大塊，肉感豐富，牛味亦非常濃郁。
封門柳呈深紅色，帶適量油花及筋位，肉味較濃郁，亦帶少許嚼勁，呢兩款肉係二號餐較出色嘅牛肉。
數十款丸類及時蔬任君選擇，個人比較喜愛台式冰菜，口感脆嫩多汁，比較少火鍋店有售。
熟食品質都幾高，尤其係招牌紅燒乳鴿，新鮮燒起，上菜時都仲係熱騰騰，其皮脆肉嫩，肉汁適中，調味都做得唔錯，唔會太重豉油味。
甜食紅糖糍粑好味，又係新鮮炸起，外皮香脆，內裡軟糯綿密，咬下去即溢出香甜紅糖。
連甜品都有數十款，認真誇張，Haagen Dazs、Movenpick雪糕、Kitkat雪糕雪條都係無限食……
張貼
