Brick by Brick (已結業)

9 0 後 的 味 蕾✧✧✧✧✧✧✧✧✧✧✧✧✧✧✧✧✧✧✧✧✧✧✧✧✧隱藏於蘇豪區、一間由兩夫妻小本經營既餐廳，提供多款西餐、同地道馬來西亞菜，餐廳要由俊榮里入去！位置上比較唔起眼，但係佢嘅菜式就非常用心，馬來西亞菜式煮得相當健康。✧❥❊ 肉骨茶馬來西亞嘅肉骨茶着重藥材味，餐廳用左多種藥材熬湯，藥材味濃且清，after taste帶有少少甘甜，而睡藥膳煲冇乜油浮面，感覺好健康，女店主話呢款肉骨茶好適合香港人，有去濕功效，咁就啱晒我呢啲濕疹病患者。豬軟骨肉質夠軟淋、但係軟骨又保持到爽口，最緊要係成件肉都入味，感受到用咗好多時間去煲，好好味。✧❥❊ 秘製馬來西亞咖哩喇沙湯麵女店主話呢款屬於吉隆坡出品，唔會好重椰奶味，少少辣味帶動整體味蕾，而且食完唔會好口渴，應該無落味精。✧❥❊ 泰式香茅班蘭葉水唔會好甜、入口班蘭係第一個味道，隨之係一啖淡薑味，甜唔辣嘅味道啱啱好，唔會太過分。✧❥❊ 話梅桃膠羅漢果茶 微微既甜味、羅漢果味最濃郁、底層仲可以吸到一粒粒桃膠、桃膠發得淋左少少，但係呢杯嘢飲超養生，啱晒唔食甜既靚靚✧