Hello Kitty 中菜軒 (已結業)

今日朋友話想試下Hello Kitty 中菜，因為佢話中女要重拾下少女味。我只好奉命陪中女，打電話book jor 8點4位。我地放工準時8點去到，即刻有昝，入。地方比我預期的大，其實裝修真係好得意，枱凳碗碟全部都有Hello Kitty個logo，雖然平時不太熱愛Kitty ，但都覺得好得意。我地叫左蝦餃，馬拉糕，奶黃包同埋蛋白炒飯。少少地，但食物上枱一刻，我覺得好精緻，唔似翻板Hello Kitty，眼耳口鼻完全好正統。蝦餃其實熱辣辣，成大粒鮮蝦係入面。馬拉糕唔太甜，同樣熱辣辣，好鬆軟，至於奶黃包，雖流沙程度強烈，爆漿，啲奶黃係咁流出黎，好食好食！個樣又係好得意。反而個蛋白炒飯，外型比下去了，砌出黎個樣有啲模糊，不過味道同樣都過得去，可以到粒粒蛋白係入面。整體黎講，我覺得呢度絕對試得過，一來食物賣相真係靚，靚得黎仲要幾好食，超出我預期，而且成間店都有kitty logo，影相都抵返。下次再黎可以試埋其他野。