影片
更多
2025-02-19
447 瀏覽
開年飯朋友帶我黎食潮州野，因為他在太子新發現了這家潮式小店。新開張不久，環境乾淨企理，帶點茶記feel。但專食潮式白滷水食物。餐牌配搭多樣，可散點又可配套餐，我地諗左好耐，終於點了個烏頭套餐和散點想食的。潮式白滷水餐可配凍馬友或烏頭一整條，當然係烏頭！上枱一刻真係有被嚇到，$98蚊咁大條烏頭？真係好大條！！！侍應阿姐話無上錯呀、真係咁大條！😆係老闆每日親手炮製。加$15仲有白飯、豬骨雞湯和飲品。男友話烏頭記得一定要點普寧豆醬，因為係一絕。真係所言非虛，烏頭肉質結實、無腥味、無泥味、無電油味，食起黎只有魚味和鮮味，點豆醬黎送飯已經好好味。白滷水鵝下莊上台的份量絕對對得住$120的價錢。有大大隻鵝脾。閃閃發亮鵝皮下係粉紅色的鵝肉。鵝肉夠嫩滑，入口多汁一啲都唔鞋，味道好夠，傳統滷水偏咸，但白滷水基本上味道剛好，唔使點汁，好食！豬生腸$25蚊，份量好多，爽脆彈牙，我的最愛，可惜朋友唔食內臟，真唔識貨！唯有我自己獨享！深海大墨魚又係出色之作，一片片厚切，食落爽口彈牙，好有口感！好滿足。兩個人埋單300幾蚊，食晒我想食嘅野，食得好滿足。平時少食滷水，因為2個人都要叫大大碟，但呢度好多食物都可配套餐
餐牌配搭多樣，可散點又可配套餐，我地諗左好耐，終於點了個烏頭套餐和散點想食的。
潮式白滷水餐可配凍馬友或烏頭一整條，當然係烏頭！上枱一刻真係有被嚇到，$98蚊咁大條烏頭？真係好大條！！！侍應阿姐話無上錯呀、真係咁大條！😆係老闆每日親手炮製。
加$15仲有白飯、豬骨雞湯和飲品。男友話烏頭記得一定要點普寧豆醬，因為係一絕。
真係所言非虛，烏頭肉質結實、無腥味、無泥味、無電油味，食起黎只有魚味和鮮味，點豆醬黎送飯已經好好味。
白滷水鵝下莊上台的份量絕對對得住$120的價錢。有大大隻鵝脾。閃閃發亮鵝皮下係粉紅色的鵝肉。鵝肉夠嫩滑，入口多汁一啲都唔鞋，味道好夠，傳統滷水偏咸，但白滷水基本上味道剛好，唔使點汁，好食！
豬生腸$25蚊，份量好多，爽脆彈牙，我的最愛，可惜朋友唔食內臟，真唔識貨！唯有我自己獨享！
深海大墨魚又係出色之作，一片片厚切，食落爽口彈牙，好有口感！好滿足。
兩個人埋單300幾蚊，食晒我想食嘅野，食得好滿足。平時少食滷水，因為2個人都要叫大大碟，但呢度好多食物都可配套餐，小食份量適中又親民，老闆仲要好健談，真係啱晒我地呢啲鍾意食潮洲野嘅二人小眾。難怪叫一食鍾情，真係食完會上癮！！！食得好乾淨~
張貼
