居食屋「和民」 (已結業)

是夜在尖沙咀OT到晚上10點，想去Ruby排下免費漢堡，但已經售罄。死死地氣過隔離和民醫肚。因為太夜，已經唔太餓。但都同同事食啲野，吹吹水。我點了例牌的牛肉鍋，貪佢多菜少肉，湯底清甜。同行同事大食，所以點了吉列炸豬排飯，再配軟殼蟹卷。上菜速度很快，可能就快last order關門。豬扒份量幾大，啲豬扒炸得好香脆，好香口。軟殼蟹略嫌飯太多了點，件蟹有點小，所以似食飯團。牛肉鍋一貫水準，但今次湯就少左，煲幾煲都乾左水。食到最後一枱，最後埋單侍應態度都好好，無黑面，幾好。